കോതമംഗലം | 23 മാർച്ച് | 2026
സ്വന്തം ലേഖകൻ
കോതമംഗലം: നിയമസഭാ തിരഞ്ഞെടുപ്പിലേക്ക് മണ്ഡലം തയ്യാറെടുക്കവെ, കോതമംഗലം യുഡിഎഫ് ക്യാമ്പിൽ സ്ഥാനാർത്ഥിക്കെതിരെ അണികളുടെ രോഷം അണപൊട്ടുന്നു. കേവലം രാഷ്ട്രീയ തർക്കങ്ങൾക്കപ്പുറം, സ്ഥാനാർത്ഥി ഷിബു തെക്കുംപുറത്തിന്റെ ‘യജമാന’ ശൈലിയും സാധാരണ പ്രവർത്തകരോടുള്ള ‘തലക്കനവും’ സഹിക്കവയ്യാതെ പടലപ്പിണക്കങ്ങൾ തെരുവിലേക്കിറങ്ങുന്ന കാഴ്ചയാണ് മണ്ഡലത്തിൽ.
അലിയുടെ രാജി: മഞ്ഞുമലയുടെ ഒരു അഗ്രം മാത്രം
യുഡിഎഫ് മണ്ഡലം കൺവീനറും നെല്ലിക്കുഴിയിലെ കരുത്തുറ്റ നേതാവുമായ അലി പടിഞ്ഞാറെച്ചാലിലിന്റെ അപ്രതീക്ഷിത രാജി യുഡിഎഫിനെ പ്രതിരോധത്തിലാക്കിയിരിക്കുകയാണ്. ഷിബുവിന്റെ പ്രവർത്തനരീതിയെ ന്യായീകരിക്കാൻ തനിക്ക് സാധിക്കില്ലെന്ന് അദ്ദേഹം തുറന്നു പറഞ്ഞത് സ്ഥാനാർത്ഥിയുടെ വ്യക്തിത്വത്തിന് കനത്ത പ്രഹരമായി. ഒരു രാഷ്ട്രീയ നേതാവിന് വേണ്ട വിനയത്തിന് പകരം, സ്വന്തം ഫിനാൻസ് കമ്പനിയിലെ ജീവനക്കാരോടെന്ന പോലെ പ്രവർത്തകരോട് ‘അടിയാൻ-ഉടമ’ മനോഭാവത്തോടെ പെരുമാറുന്ന ഷിബുവിന്റെ ശൈലി കോൺഗ്രസ് അണികൾക്കിടയിൽ വലിയ പ്രതിഷേധത്തിന് കാരണമായിട്ടുണ്ട്.
ഇടത്തരം കുടുംബങ്ങളിൽ സ്വാധീനമില്ലാത്ത ‘ബാങ്കർ’ ലേബൽ
മണ്ഡലത്തിലെ നിർണ്ണായക ശക്തിയായ മിഡിൽ ക്ലാസ് (ഇടത്തരം) കുടുംബങ്ങളിൽ സ്വാധീനം ചെലുത്താൻ കഴിയാത്തത് ഷിബുവിന് വലിയ വെല്ലുവിളിയാകുന്നു. രാഷ്ട്രീയ പ്രവർത്തനത്തെക്കാൾ ഉപരി ഒരു ഫിനാൻസ് കമ്പനി ഉടമ എന്ന നിലയിലുള്ള ‘ബാങ്കർ’ ഇമേജും, ബിസിനസ്സ് രംഗത്തെ ഗമയും സാധാരണ കുടുംബങ്ങളെ അദ്ദേഹത്തിൽ നിന്ന് അകറ്റുന്നു. സാധാരണക്കാരുടെ പ്രശ്നങ്ങളിൽ വിനയത്തോടെ ഇടപെടുന്ന ആന്റണി ജോണിന്റെ ശൈലിയുമായി താരതമ്യം ചെയ്യുമ്പോൾ ഷിബുവിന്റെ ‘കോർപ്പറേറ്റ് കെട്ടും മട്ടും’ വോട്ടർമാർക്കിടയിൽ അതൃപ്തിയുണ്ടാക്കുന്നുണ്ട്.
ഇന്നലത്തെ ‘ഗമ’ ഇന്ന് ‘സ്നേഹപ്രകടനം’
ഇന്നലെ വരെ മുണ്ടിന്റെ കോന്തലയും പൊക്കിപ്പിടിച്ച് പള്ളിമുറ്റത്ത് സാധാരണക്കാരോട് മുഖം തിരിച്ചു നടന്ന ‘തമ്പുരാൻ’ ശൈലി നാട്ടുകാർക്കിടയിൽ വലിയ ചർച്ചയാണ്. തിരഞ്ഞെടുപ്പ് ലക്ഷ്യമിട്ട് ഇപ്പോൾ നടത്തുന്ന ഈ ‘റെഡിമെയ്ഡ്’ പുഞ്ചിരിക്ക് പിന്നിലെ താല്പര്യം വോട്ടർമാർക്ക് കൃത്യമായി അറിയാം.
”ഇന്നലെ വരെ കാണാത്ത ഈ സ്നേഹപ്രകടനവും ആലിംഗനവും വെറും വോട്ട് ബാങ്ക് രാഷ്ട്രീയമാണെന്ന് തിരിച്ചറിയാൻ വോട്ടർമാർക്ക് പ്രയാസമില്ല,” എന്ന് ഇടവകാംഗങ്ങൾക്കിടയിൽ തന്നെ സംസാരമുണ്ട്.
കോട്ടകളിൽ വിള്ളൽ വീഴുമ്പോൾ
സ്ഥാനാർത്ഥിയുടെ പോസ്റ്ററുകൾ നശിപ്പിക്കപ്പെടുന്നതും പ്രവർത്തകർക്കിടയിലെ നിസ്സഹകരണവും വിരൽ ചൂണ്ടുന്നത് യുഡിഎഫിന്റെ ആഭ്യന്തര തകർച്ചയിലേക്കാണ്. കോതമംഗലം ഇനി രാഷ്ട്രീയ തമ്പുരാക്കന്മാരുടെ തടവറയാകാൻ താല്പര്യം പ്രകടിപ്പിക്കുന്നില്ല എന്ന വ്യക്തമായ സന്ദേശമാണ് നിലവിലെ രാഷ്ട്രീയ ചിത്രം നൽകുന്നത്.
കാണുക: കോതമംഗലം രാഷ്ട്രീയ പോരാട്ടത്തിന്റെ രണ്ടാം ഭാഗം – “നിഴൽരൂപങ്ങളും നിഗൂഢ സത്യങ്ങളും!”
Content Highlights…
Growing resentment within Kothamangalam UDF over candidate Shibu Thekkumpuram’s leadership style.
UDF Constituency Convener Ali Padinjarechalil resigns, citing inability to justify the candidate’s behavior.
Allegations of a “master-servant” attitude towards party workers spark outrage among the rank and file.
Shibu’s corporate banker image struggles to connect with middle-class families in the constituency.
Voters react to the sudden shift from an elitist persona to a “ready-made smile” for election campaigning.
Internal friction threatens UDF’s stronghold as posters are defaced and workers show non-cooperation.
