ന്യൂഡൽഹി: ദക്ഷിണാഫ്രിക്കക്കെതിരായ ടെസ്റ്റ് പരമ്പരയിൽ ഇന്ത്യൻ ടീം 4-0 എന്ന നിലയിൽ ദയനീയമായി പരാജയപ്പെട്ടതിന് പിന്നാലെ, പരിശീലകൻ ഗൗതം ഗംഭീറിനെതിരെ മുൻ ഇന്ത്യൻ താരം സുനിൽ ഗവാസ്കർ ശക്തമായ വിമർശനം ഉയർത്തി. ഇന്ത്യൻ ക്രിക്കറ്റിന്റെ ചരിത്രത്തിലെ ഏറ്റവും മോശം പ്രകടനങ്ങളിലൊന്നാണിതെന്നും, ഇതിന്റെ പൂർണ്ണ ഉത്തരവാദിത്തം ഗംഭീറിനാണെന്നും ഗവാസ്കർ അഭിപ്രായപ്പെട്ടു.
പരിഹാസ രൂപേണയുള്ള വിമർശനം
ഇന്ത്യൻ ടീമിന്റെ നിലവിലെ അവസ്ഥയെ പരിഹസിച്ചുകൊണ്ട് ഗവാസ്കർ നടത്തിയ പരാമർശം ഏറെ ചർച്ചയായി.
”ഇന്ത്യയെ ഒരു സാധാരണ നിലയിൽ നിന്ന് (Air) നിയന്ത്രണമില്ലാത്ത അവസ്ഥയിലേക്ക് (Space) എത്തിച്ചതിന്റെ ക്രെഡിറ്റ് നിനക്കാണ് മോനെ ഗംഭീറേ.ഇന്ത്യൻ ക്രിക്കറ്റിന് ഇത്രയും മോശം അവസ്ഥ ഇതിനു മുൻപ് ഉണ്ടായിട്ടില്ല. ഇതിന്റെ ക്രെഡിറ്റ് ഗംഭീറിനാണ്.”
മുതിർന്ന താരങ്ങളായ വിരാട് കോഹ്ലിയെയും രോഹിത് ശർമ്മയെയും ടീമിൽ നിന്ന് ഒഴിവാക്കിയതുൾപ്പെടെയുള്ള ഗംഭീറിന്റെ ടീം തിരഞ്ഞെടുപ്പുകളാണ് പരാജയത്തിന് കാരണമായതെന്നും ഗവാസ്കർ ചൂണ്ടിക്കാട്ടി.
- ക്യാപ്റ്റനേക്കാൾ കൂടുതൽ അധികാരം ടീമിൽ ഗംഭീറിനാണ് ലഭിച്ചിരിക്കുന്നതെന്നും അദ്ദേഹം കൂട്ടിച്ചേർത്തു.
