Thiruvananthapuram | December 9, 2025
രാഹുൽ മാങ്കൂട്ടത്തിൽ എംഎൽഎക്കെതിരെ പരാതി നൽകിയ അതിജീവിതയെ അധിക്ഷേപിച്ച കേസിൽ കെപിസിസി ജനറൽ സെക്രട്ടറി സന്ദീപ് വാര്യരെ ഉടൻ അറസ്റ്റ് ചെയ്യില്ല. ഈ മാസം 15 വരെ അറസ്റ്റ് ചെയ്യില്ലെന്ന് പ്രോസിക്യൂഷൻ കോടതിയെ അറിയിച്ചു.
പൊലീസ് റിപ്പോർട്ട് വരാത്തതിനാൽ
കേസിൽ പൊലീസ് റിപ്പോർട്ട് വരാത്തതിനാലാണ് നടപടിയിലേക്ക് കടക്കാത്തതെന്ന് പ്രോസിക്യൂഷൻ അറിയിച്ചു. കേസിൽ സന്ദീപ് വാര്യരുടെ ജാമ്യാപേക്ഷ ഈ മാസം 15നാണ് പരിഗണിക്കുന്നത്. തിരുവനന്തപുരം പ്രിൻസിപ്പൽ സെഷൻസ് കോടതിയാണ് ജാമ്യാപേക്ഷ പരിഗണിക്കുക.
നാലാം പ്രതി
കേസിൽ നാലാം പ്രതിയാണ് സന്ദീപ് വാര്യർ. ഇരയുടെ ഐഡന്റിറ്റി മനഃപൂർവം എവിടെയും വെളിപ്പെടുത്തിയിട്ടില്ലെന്നാണ് സന്ദീപ് വാര്യരുടെ വാദം.
സന്ദീപ് വാര്യരുടെ വാദങ്ങൾ
പരാതിക്കാരിയായ യുവതിയുടെ വിവാഹ സമയത്ത് എടുത്ത ആശംസാ പോസ്റ്റ് പലരും സോഷ്യൽ മീഡിയയിൽ കുത്തിപ്പൊക്കിയതാണെന്നും അതിജീവിതയെ അപമാനിക്കുന്ന പ്രവർത്തി ചെയ്തിട്ടില്ലെന്നും സന്ദീപ് വാര്യർ ജാമ്യാപേക്ഷയിൽ പറയുന്നുണ്ട്.
ഒരു വർഷം മുമ്പ് പങ്കെടുത്ത കല്യാണത്തിന്റെ ഫോട്ടോ അന്ന് ഫേസ്ബുക്കിൽ പങ്കുവെച്ചിരുന്നുവെന്നും അത് പലരും ദുരുപയോഗം ചെയ്യുന്നതായി ശ്രദ്ധയിൽപ്പെട്ടതോടെ പിൻവലിച്ചെന്നും സന്ദീപ് വാര്യർ വിഷയത്തിൽ പ്രതികരിച്ചിരുന്നു.
മനഃപൂർവം ഇരയുടെ ഐഡന്റിറ്റി വെളിപ്പെടുത്തിയിട്ടില്ലെന്നും കേസ് രാഷ്ട്രീയമായും നിയമപരമായും നേരിടുമെന്നും അദ്ദേഹം വ്യക്തമാക്കിയിരുന്നു.
Sandeep Warrier will not be arrested until December 15
Prosecution informed court about staying arrest
Police report not yet received in the case
Bail plea to be considered on December 15
Thiruvananthapuram Principal Sessions Court to hear plea
Sandeep Warrier is fourth accused in case
Claims survivor’s identity not deliberately disclosed
Says congratulatory wedding post was misused by others
Photo from wedding attended year ago was on Facebook
Withdrew post after noticing misuse by others
Says did not insult survivor
Claims will face case politically and legally
