പത്തനംതിട്ട | 03, ഫെബ്രുവരി | 2026
പത്തനംതിട്ട: ലഹരിമരുന്ന് പിടികൂടാനെത്തിയ എക്സൈസ് സംഘത്തിന് നേരെ കാർ ഓടിച്ചു കയറ്റി ലഹരി മാഫിയയുടെ ആക്രമണം. കുമ്പഴയിൽ വെച്ച് നടന്ന പരിശോധനയ്ക്കിടെ സിവിൽ എക്സൈസ് ഓഫീസർ ശ്രീആനന്ദിന്റെ കാലിലൂടെ പ്രതികൾ കാർ കയറ്റിയിറക്കുകയായിരുന്നു. പരിക്കേറ്റ ഉദ്യോഗസ്ഥനെ പത്തനംതിട്ട ജനറൽ ആശുപത്രിയിൽ പ്രവേശിപ്പിച്ചു. ഇദ്ദേഹത്തിന്റെ കാലിന് പൊട്ടലുണ്ടെന്നാണ് പ്രാഥമിക വിവരം.
സംഭവം ഇങ്ങനെ:
രഹസ്യവിവരത്തെത്തുടർന്ന് ലഹരി കൈമാറ്റം പിടികൂടാനാണ് ശ്രീആനന്ദ് ഉൾപ്പെടെയുള്ള നാലംഗ എക്സൈസ് സംഘം കുമ്പഴയിലെത്തിയത്. കണ്ണങ്കര സ്വദേശി നസീബ് സുലൈമാൻ, പത്തനംതിട്ട സ്വദേശി ആസിഫ് എന്നിവരായിരുന്നു പ്രതികൾ. ഉദ്യോഗസ്ഥർ ഇവരെ വളഞ്ഞതോടെ രക്ഷപ്പെടാനായി പ്രതികൾ കാർ മുന്നോട്ടെടുക്കുകയും തടയാൻ ശ്രമിച്ച ശ്രീആനന്ദിനെ ഇടിച്ച് വീഴ്ത്തി കാലിലൂടെ കാർ കയറ്റിയിറക്കുകയുമായിരുന്നു.
അന്വേഷണം:
ആക്രമണത്തിന് ശേഷം പ്രതികൾ കാറിൽ അതിവേഗം രക്ഷപ്പെട്ടു. പത്തനംതിട്ട പോലീസും എക്സൈസും സംയുക്തമായാണ് പ്രതികൾക്കായി തിരച്ചിൽ നടത്തുന്നത്. പ്രതികൾ ഉപയോഗിച്ച കാർ കണ്ടെത്താനുള്ള ശ്രമത്തിലാണ് പോലീസ്. പത്തനംതിട്ടയിലെ ലഹരി വിതരണ ശൃംഖലയിലെ പ്രധാനികളാണ് നസീബും ആസിഫുമെന്ന് എക്സൈസ് ഉദ്യോഗസ്ഥർ പറഞ്ഞു. ഉദ്യോഗസ്ഥനെ ആക്രമിച്ച സംഭവത്തിൽ വധശ്രമം ഉൾപ്പെടെയുള്ള വകുപ്പുകൾ ചുമത്തി കേസെടുത്തിട്ടുണ്ട്.
Key Highlights
- The Attack: Drug peddlers ran a car over Civil Excise Officer Sree Anand’s leg to escape capture during a sting operation at Kumbazha.
- Victim: Sree Anand is currently undergoing treatment at Pathanamthitta General Hospital.
- Suspects identified: Naseeb Sulaiman (Kannankara) and Asif (Pathanamthitta).
- Police Action: A massive manhunt is underway. Attempt to murder charges and NDPS cases have been registered against the duo.
- Team: The Excise team included officers Sree Anand, Ajith M.K., Abhijith, and Nithin Sreekumar.
