എല്ലാം കഴിഞ്ഞ് നിൽക്കുകയാണ്, അതേ നാണയത്തിൽ തിരിച്ചടിക്കും’; അതിജീവിതയ്ക്ക് രാഹുൽ മാങ്കൂട്ടത്തിൽ അയച്ച ഭീഷണി സന്ദേശങ്ങൾ പുറത്ത്

പത്തനംതിട്ട | ജനുവരി 12, 2026

​പത്തനംതിട്ട: മൂന്നാം ബലാത്സംഗ കേസിൽ അറസ്റ്റിലായ രാഹുൽ മാങ്കൂട്ടത്തിൽ എം.എൽ.എ അതിജീവിതയ്ക്ക് അയച്ച അതീവ ഗുരുതരമായ ഭീഷണി സന്ദേശങ്ങൾ പുറത്തുവന്നു. തനിക്കെതിരെ നിന്നവർക്കും കുടുംബത്തിനും നേരെ അതേ നാണയത്തിൽ തിരിച്ചടി നൽകുമെന്നും തനിക്ക് ഇനി ഒന്നും നഷ്ടപ്പെടാനില്ലെന്നുമാണ് രാഹുൽ അയച്ച സന്ദേശങ്ങളുടെ ഉള്ളടക്കം. തന്നെ പേടിപ്പിക്കാൻ ലോകത്ത് ഒരു മനുഷ്യനും നോക്കേണ്ടെന്നും സന്ദേശങ്ങളിൽ പറയുന്നു.

ads1

ads2

​സന്ദേശങ്ങളിലെ പ്രധാന വെളിപ്പെടുത്തലുകൾ

​വധഭീഷണി: “നാട്ടിൽ വന്നാൽ കുറെ ആളുകളുമായി ഞാൻ നിന്റെ വീട്ടിൽ വരും. ദാറ്റ്സ് ആൾ. അല്ലാതെ ഇങ്ങോട്ടുള്ള ഭീഷണി വേണ്ട. എല്ലാം തീർന്നുനിൽക്കുന്ന ഒരാളെ നീ പേടിപ്പിക്കുന്നോ?” എന്ന് സന്ദേശങ്ങളിൽ ചോദിക്കുന്നു.

​നിയമവ്യവസ്ഥയെ പരിഹസിക്കൽ: കേസ് കൊടുത്താലും കോടതിയിൽ വരുമ്പോൾ നിനക്കുള്ള അവസ്ഥ അറിയാമല്ലോ എന്നും പ്രത്യേകിച്ച് ഒന്നും സംഭവിക്കാനില്ലെന്നും രാഹുൽ പരിഹസിക്കുന്നു. ഒരു മാസം മുൻപായിരുന്നു ഇതെങ്കിൽ താൻ പരിഗണിക്കുമായിരുന്നുവെന്നും എന്നാൽ ഇപ്പോൾ എക്സ്ട്രീം അവസ്ഥയിലാണെന്നും അദ്ദേഹം പറയുന്നു.

​കുറ്റസമ്മതം: കുറ്റസമ്മതം നടത്താനാണ് തീരുമാനമെന്നും അങ്ങനെ താൻ മാത്രം മോശമാകുന്ന പരിപാടി നടക്കില്ലെന്നും രാഹുൽ സന്ദേശത്തിൽ വ്യക്തമാക്കുന്നുണ്ട്. ഇനി ഒന്നിനും സറണ്ടർ ചെയ്യില്ലെന്നും വാർത്താസമ്മേളനം നടത്താൻ അതിജീവിതയെ വെല്ലുവിളിക്കുന്നതായും സന്ദേശങ്ങളിലുണ്ട്.

​അന്വേഷണം ഊർജിതം

പുറത്തുവന്ന സന്ദേശങ്ങൾ രാഹുലിനെതിരെയുള്ള ശാസ്ത്രീയ തെളിവുകളായി മാറുമെന്നാണ് അന്വേഷണ സംഘത്തിന്റെ വിലയിരുത്തൽ. പീഡനത്തിന് പുറമെ വധഭീഷണി മുഴക്കിയതിനും കേസെടുക്കാനാണ് സാധ്യത. നിലവിൽ പോലീസ് കസ്റ്റഡിയിലുള്ള രാഹുൽ മാങ്കൂട്ടത്തിൽ ചോദ്യം ചെയ്യലിനോട് സഹകരിക്കാൻ തയ്യാറാകുന്നില്ല. അദ്ദേഹത്തിന്റെ ഫോൺ പാസ്‌വേഡ് കൈമാറാത്തതും അന്വേഷണത്തിന് തടസ്സമാകുന്നുണ്ട്. എന്നാൽ പുറത്തുവന്ന ഈ ചാറ്റുകൾ കേസിൽ അതിജീവിതയുടെ മൊഴിക്ക് വലിയ ബലം നൽകുന്നതാണ്.

​Content Highlight Threatening messages sent by Rahul Mamkootathil MLA to the survivor in the third rape case have been leaked. In the messages, Rahul threatened to retaliate against her and her family, stating he had “nothing to lose.” He also challenged the survivor to hold a press conference and mocked the legal proceedings. These messages are expected to serve as crucial evidence for the Special Investigation Team (SIT).