മലപ്പുറം | 13, ഫെബ്രുവരി | 2026
പ്രായപൂർത്തിയാവാത്ത പെൺകുട്ടിയെ ലൈംഗികമായി പീഡിപ്പിച്ച കേസിൽ പ്രമുഖ മോട്ടിവേഷൻ സ്പീക്കറും സോഷ്യൽ മീഡിയ ഇൻഫ്ലുവൻസറുമായ ഫിലിപ് മമ്പാടിനെ നിലമ്പൂർ പോലീസ് കസ്റ്റഡിയിലെടുത്തു. കോഴിക്കോട് ചേവായൂർ സ്വദേശിയായ 16 വയസ്സുകാരിയെ നിലമ്പൂരിലെ ലോഡ്ജിൽ വെച്ച് അതിക്രമത്തിന് ഇരയാക്കിയെന്നാണ് പരാതി. വ്യാഴാഴ്ച രാത്രി വൈകിയാണ് മുൻ പോലീസ് ഉദ്യോഗസ്ഥൻ കൂടിയായ ഇയാളെ പോലീസ് സംഘം കസ്റ്റഡിയിലെടുത്തത്.
വിവിധ വിഷയങ്ങളിൽ മോട്ടിവേഷൻ ക്ലാസ്സുകൾ നൽകുകയും സോഷ്യൽ മീഡിയയിലൂടെ നിരന്തരമായി വീഡിയോകൾ പങ്കുവെക്കുകയും ചെയ്യുന്ന വ്യക്തിയാണ് ഫിലിപ് മമ്പാട്. പെൺകുട്ടിയുടെ പരാതിയുടെ അടിസ്ഥാനത്തിൽ പോക്സോ നിയമപ്രകാരമാണ് ഇയാൾക്കെതിരെ കേസെടുത്തിരിക്കുന്നത്. നിലവിൽ നിലമ്പൂർ പോലീസ് സ്റ്റേഷനിൽ എത്തിച്ച ഇയാളുടെ അറസ്റ്റ് ഉടൻ രേഖപ്പെടുത്തുമെന്നാണ് സൂചന.
മുൻപ് പോലീസ് സേനയിൽ അംഗമായിരുന്ന ഫിലിപ് മമ്പാട്, ആ ജോലി രാജിവെച്ചാണ് മോട്ടിവേഷൻ പ്രസംഗങ്ങളിലേക്കും സാമൂഹിക പ്രവർത്തനങ്ങളിലേക്കും തിരിഞ്ഞത്. ഇത്തരത്തിൽ അറിയപ്പെടുന്ന ഒരാൾ പോക്സോ കേസിൽ കുടുങ്ങിയത് വലിയ ഞെട്ടലാണ് നാട്ടിലുണ്ടാക്കിയിരിക്കുന്നത്. സംഭവത്തിൽ കൂടുതൽ പേർ ഉൾപ്പെട്ടിട്ടുണ്ടോ എന്നും പോലീസ് അന്വേഷിക്കുന്നുണ്ട്.
Content Highlights
- Former police officer and motivational speaker Philip Mambad taken into custody in a POCSO case.
- Accused of sexually assaulting a 16-year-old girl from Chevayur, Kozhikode, at a lodge in Nilambur.
- Nilambur Police took him into custody late Thursday night; arrest to be recorded soon.
- Philip Mambad is a well-known social media influencer and motivational speaker.
- Case registered under the Protection of Children from Sexual Offences (POCSO) Act.
