കോട്ടയം | 13, ഫെബ്രുവരി | 2026
മുൻ മുഖ്യമന്ത്രി ഉമ്മൻചാണ്ടിയുടെ കല്ലറയിൽ എൽഡിഎഫ് ജാഥയുടെ പോസ്റ്റർ വെച്ച നിലയിൽ കണ്ടെത്തിയത് പുതുപ്പള്ളിയിൽ വൻ രാഷ്ട്രീയ വിവാദത്തിന് കാരണമായി. എൽഡിഎഫ് ജാഥാ ക്യാപ്റ്റൻ ജോസ് കെ മാണിയുടെ ചിത്രം പതിച്ച പോസ്റ്ററാണ് കല്ലറയ്ക്ക് മുകളിൽ കണ്ടത്. സംഭവത്തിൽ അതീവ പ്രതിഷേധവുമായി രംഗത്തെത്തിയ കോൺഗ്രസ്, ജോസ് കെ മാണി പരസ്യമായി മാപ്പ് പറയണമെന്ന് ആവശ്യപ്പെട്ടു.
ലക്ഷക്കണക്കിന് ആളുകൾ ആദരവോടെ കാണുന്ന ഉമ്മൻചാണ്ടിയുടെ കല്ലറയെ രാഷ്ട്രീയ പ്രചാരണത്തിന് ഉപയോഗിച്ചത് നീചമായ നടപടിയാണെന്ന് കോൺഗ്രസ് മണ്ഡലം കമ്മിറ്റി ആരോപിച്ചു. പള്ളി അധികൃതരുടെയും വിശ്വാസികളുടെയും വികാരം വ്രണപ്പെടുത്തിയെന്ന് ചൂണ്ടിക്കാട്ടി കോൺഗ്രസ് പോലീസിൽ പരാതി നൽകി. പുതുപ്പള്ളിയിൽ ജനവികാരം ഇളക്കിവിടാൻ എൽഡിഎഫ് ബോധപൂർവം ഇത്തരം പ്രവൃത്തികൾ ചെയ്യുന്നുവെന്നാണ് നേതാക്കളുടെ ആരോപണം.
അതേസമയം, സംഭവത്തിൽ ദുരൂഹതയുണ്ടെന്നും അന്വേഷണം വേണമെന്നും ആവശ്യപ്പെട്ട് സിപിഐഎം ലോക്കൽ കമ്മിറ്റിയും പോലീസിനെ സമീപിച്ചിട്ടുണ്ട്. മനഃപൂർവം പ്രകോപനം ഉണ്ടാക്കാൻ ആരെങ്കിലും ചെയ്തതാണോ എന്നതടക്കമുള്ള കാര്യങ്ങൾ പോലീസ് പരിശോധിച്ചുവരികയാണ്. പള്ളിയിലെ സിസിടിവി ദൃശ്യങ്ങൾ കേന്ദ്രീകരിച്ച് അന്വേഷണം ഊർജ്ജിതമാക്കി.
Content Highlights
- An LDF rally poster was found placed on the grave of former CM Oommen Chandy in Puthuppally.
- The poster featured LDF rally captain Jose K. Mani, sparking a political controversy.
- Congress demanded an apology from Jose K. Mani and filed a police complaint for hurting religious sentiments.
- CPIM local committee also lodged a complaint, seeking a probe into the incident to find the culprits.
- Police are examining CCTV footage from the church premises as part of the investigation.
