തിരുവനന്തപുരം | 17, ജനുവരി | 2026.
ഇടുക്കി ചിന്നക്കനാലിൽ നിയമം ലംഘിച്ച് ഭൂമി വാങ്ങിയെന്ന ആരോപണത്തിൽ മാത്യു കുഴൽനാടൻ എംഎൽഎയുടെ മൊഴി വിജിലൻസ് രേഖപ്പെടുത്തി. വിജിലൻസിന്റെ പൂജപ്പുര എസ്ഐയു (SIU) 1 യൂണിറ്റാണ് വിജിലൻസ് ആസ്ഥാനത്തേക്ക് വിളിച്ചുവരുത്തി മൊഴിയെടുത്തത്. ചിന്നക്കനാലിൽ 50 സെന്റ് അധിക ഭൂമി കൈവശം വെച്ചുവെന്ന പരാതിയിലാണ് അന്വേഷണം നടക്കുന്നത്.
ഭൂമി ഇടപാടിൽ ക്രമക്കേടുകൾ നടന്നിട്ടില്ലെന്ന് എംഎൽഎ മൊഴി നൽകി. 2021-ൽ റവന്യൂ രേഖകൾ കൃത്യമായി പരിശോധിച്ച ശേഷമാണ് ഭൂമി വാങ്ങിയതെന്നും ആധാരത്തിൽ വില കുറച്ചു കാണിച്ചിട്ടില്ലെന്നും അദ്ദേഹം വ്യക്തമാക്കി. പോക്കുവരവ് ചെയ്യുന്നതിന് മുൻപ് ഈ ഭൂമിയുമായി ബന്ധപ്പെട്ട് മിച്ചഭൂമി കേസുകൾ ഉണ്ടായിരുന്നോ എന്നതിനെക്കുറിച്ച് അറിവില്ലെന്നും, സർക്കാർ ഭൂമി കയ്യേറിയെന്ന ആരോപണം അടിസ്ഥാനരഹിതമാണെന്നും കുഴൽനാടൻ പറഞ്ഞു.
ഈ കേസിൽ 16-ാം പ്രതിയാണ് മാത്യു കുഴൽനാടൻ. ചിന്നക്കനാലിലെ റിസോർട്ട് നിർമ്മാണവുമായി ബന്ധപ്പെട്ട സാമ്പത്തിക ഇടപാടുകളിൽ കള്ളപ്പണ ഇടപാട് നടന്നിട്ടുണ്ടോ എന്ന കാര്യത്തിൽ എൻഫോഴ്സ്മെന്റ് ഡയറക്ടറേറ്റും (ED) സമാന്തരമായി അന്വേഷണം നടത്തുന്നുണ്ട്. ഇതിനിടയിലാണ് ഭൂമി സംബന്ധമായ കേസിൽ വിജിലൻസ് മൊഴിയെടുത്തിരിക്കുന്നത്.
Content Highlights
Vigilance records MLA Mathew Kuzhalnadan’s statement in the Chinnakkanal land case.
Kuzhalnadan denies allegations of land encroachment and undervaluation of property.
The MLA claims the land was purchased in 2021 after verifying all revenue records.
He is the 16th accused in the case involving 50 cents of alleged excess land.
Parallel investigation by the Enforcement Directorate (ED) is ongoing regarding the resort’s financial transactions.
