പെരുമ്പാവൂർ | 21 ഡിസംബർ, 2025
പെരുമ്പാവൂരിൽ മയക്കുമരുന്ന് കടത്തിയ കേസിൽ ഇതര സംസ്ഥാന തൊഴിലാളിയെ പൊലീസ് അറസ്റ്റ് ചെയ്തു. അസം നൗഗാവ് സ്വദേശി ഷരീഫുൽ ഇസ്ലാം (26) ആണ് അറസ്റ്റിലായത്. പെരുമ്പാവൂർ എഎസ്പി ഹാർദിക് മീണയുടെ നേതൃത്വത്തിലുള്ള പ്രത്യേക അന്വേഷണ സംഘമാണ് ഇയാളെ പിടികൂടിയത്.
ഓപ്പറേഷൻ ക്ലീൻ പെരുമ്പാവൂരിന്റെ ഭാഗമായി
ഓപ്പറേഷൻ ക്ലീൻ പെരുമ്പാവൂരിന്റെ ഭാഗമായി നടന്ന പരിശോധനയിലാണ് ഇയാളെ പിടികൂടിയത്. രഹസ്യ വിവരത്തെ തുടർന്ന് നടത്തിയ പരിശോധനയിൽ ഇയാളുടെ കൈവശം 8.2 ഗ്രാം ഹെറോയിനും 500 ഗ്രാം കഞ്ചാവും കണ്ടെടുത്തു.
വിൽപ്പനയ്ക്കായി സ്കൂട്ടറിൽ പെരുമ്പാവൂർ ഫിഷ് മാർക്കറ്റിലേക്ക് വരുന്ന വഴിയാണ് അന്വേഷണ സംഘത്തിന്റെ വലയിലായത്. സ്കൂട്ടറിൽ കറങ്ങിയായിരുന്നു മയക്കുമരുന്ന് വിൽപ്പന നടത്തിയിരുന്നത്.
അന്വേഷണ സംഘം
പെരുമ്പാവൂർ എഎസ്പി ഹാർദിക് മീണ, ഇൻസ്പെക്ടർ ജിൻസൺ ഡൊമിനിക്, എസ്ഐമാരായ പി എം റാസിഖ്, ജോസി എം ജോൺസൺ, വിഷ്ണു, എഎസ്ഐ അബ്ദുൽ മനാഫ്, സീനിയർ സിപിഒമാരായ ടി എ അഫ്സൽ, രജിത്ത് രാജൻ, ബെന്നി ഐസക്, എം കെ സജി, എം കെ നിഷാദ്, ബിനീഷ് ചന്ദ്രൻ, വിനു കൃഷ്ണൻ എന്നിവരാണ് അന്വേഷണ സംഘത്തിലുണ്ടായിരുന്നത്.
കഴിഞ്ഞ ദിവസം 37 കിലോ കഞ്ചാവുമായി രണ്ട് ഇതര സംസ്ഥാന തൊഴിലാളികളെ അയ്യമ്പുഴയിൽ നിന്ന് പൊലീസ് പിടികൂടിയിരുന്നു. പെരുമ്പാവൂരിൽ മയക്കുമരുന്ന് വ്യാപനം തടയാൻ പൊലീസ് തീവ്ര നടപടികൾ തുടരുകയാണ്.
Highlights
8.2 grams heroin and 500 grams cannabis seized in Perumbavoor
Assam native Shariful Islam (26) arrested
Part of Operation Clean Perumbavoor
Accused was selling drugs on scooter near Fish Market
ASP Hardik Meena led investigation team
Previously 37 kg cannabis seized from two migrant workers
