കൊച്ചി | 26, ഡിസംബർ | 2025
സംഗീത ചക്രവർത്തി ഇളയരാജയ്ക്കൊപ്പമുള്ള ചിത്രങ്ങൾ സമൂഹമാധ്യമങ്ങളിൽ പങ്കുവച്ച് റാപ്പ് ഗായകൻ വേടൻ. ഒരുമാസം മുമ്പ് തമിഴ് സിനിമാ രംഗത്തു നിന്നുള്ള ഓഫറുകളെ കുറിച്ച് സംസാരിക്കുന്നതിനിടയിൽ ഇളയരാജയ്ക്കൊപ്പം പ്രവർത്തിക്കാനുള്ള ഒരു അവസരം വന്നിട്ടുണ്ടെന്ന് വേടൻ വെളിപ്പെടുത്തിയിരുന്നു. ഭാഗ്യമുണ്ടെങ്കിൽ അത് നടക്കുമെന്നായിരുന്നു വേടൻ പറഞ്ഞത്.
ഇളയരാജയുമായുള്ള ചിത്രം സമൂഹമാധ്യമങ്ങളിലാണ് വേടൻ പങ്കുവച്ചിരിക്കുന്നത്. ചിത്രത്തിന് ക്യാപ്ഷനായി തമിഴിൽ ‘ഇസൈ അരയ്സൻ’ എന്നും വേടൻ കുറിച്ചിരിക്കുന്നു. എവിടെ വച്ചാണ് ഇരുവരും കണ്ടതെന്ന വിവരം ലഭ്യമല്ലെങ്കിലും അന്ന് പറഞ്ഞ ആ സ്വപ്നം യാഥാർത്ഥ്യമായെന്ന സൂചനയാണ് ലഭിക്കുന്നത്.
റാപ്പ് ഗായകൻ എന്ന നിലയിൽ കേരളത്തിൽ അറിയപ്പെടുന്ന വേടന് നിരവധി ആരാധകരാണുള്ളത്. ഇതിലേറെയും യുവാക്കളാണ്. മഞ്ഞുമ്മൽ ബോയ്സ് എന്ന ചിത്രത്തിന് വേണ്ടി രചിച്ച ‘വിയർപ്പ് തുന്നിയിട്ട കുപ്പായം’ എന്ന ഗാനത്തിലൂടെ മികച്ച ഗാനരചയിതാവിനുള്ള സംസ്ഥാന പുരസ്കാരവും വേടൻ സ്വന്തമാക്കിയിരുന്നു.
എന്നാൽ ഇത് വലിയ വിമർശനങ്ങൾക്കും ഇടയാക്കിയിരുന്നു. ബലാത്സംഗ കേസിൽ അറസ്റ്റിലായ വേടൻ ജാമ്യത്തിലിരിക്കെയായിരുന്നു അവാർഡ് പ്രഖ്യാപനം. വിവാഹവാഗ്ദാനം നൽകി പീഡിപ്പിച്ചുവെന്ന് കാട്ടി യുവ ഡോക്ടറായിരുന്നു വേടനെതിരെ പരാതി നൽകിയത്. ഇളയരാജയുമായുള്ള ഈ സഹകരണം വേടന്റെ സംഗീത ജീവിതത്തിൽ ഒരു പുതിയ അധ്യായമാകുമോ എന്നത് കാത്തിരുന്നു കാണേണ്ടതാണ്.
Content Highlights: Vedan meets Ilayaraja shares pictures on social media, rap singer posts photo with music maestro, fulfills dream of working with legendary composer, Vedan won state award for Manjummal Boys song, controversial rapper meets Tamil music legend
