കൊച്ചി | 02, ജനുവരി | 2026
മലയാളി ക്രിക്കറ്റ് താരം സഞ്ജു സാംസണും സിനിമ താരം ബേസിൽ ജോസഫും തമ്മിലുള്ള സൗഹൃദം മലയാളികൾക്ക് സുപരിചിതമാണ്. ഇരുവരും ഒന്നിച്ചുള്ള ഒരുപാട് വീഡിയോകൾ ആരാധകരിൽ ചിരി പടർത്തിയിട്ടുണ്ട്. സൂപ്പർ ലീഗ് കേരളയുടെ പ്രൊമോഷൻ വീഡിയോയിലും സഞ്ജുവിന്റെ സി എസ് കെ എൻട്രി വീഡിയോകളിലെല്ലാം ഇരുവരും ഒരുമിച്ച് കാണപ്പെട്ടിരുന്നു.
ഇപ്പോൾ ക്രിക്കറ്റ് മൈതാനത്ത് ബോളറെ ബേസിൽ ലെഗ് സൈഡിലേക്ക് സിക്സർ പറത്തുന്ന വീഡിയോ ദൃശ്യങ്ങളാണ് സമൂഹ മാധ്യമങ്ങളിൽ വൈറലായിരിക്കുന്നത്. ഈ വീഡിയോ പങ്കുവെച്ചത് സാക്ഷാൽ സഞ്ജു സാംസൺ തന്നെ.
സഞ്ജു സാംസൺ പങ്കുവെച്ച ആ വീഡിയോ മെൻഷൻ ചെയ്ത് ബേസിൽ കുറിച്ച അടിക്കുറിപ്പും ചിരിപടർത്തി. “ചെന്നൈ സൂപ്പർ കിങ്സിന്റെ അടുത്ത ഓപ്പണർ വരുന്നു” എന്നാണ് തമാശരൂപേണ ബേസിൽ സ്വയം പുകഴ്ത്തി പറഞ്ഞത്.
ബേസിലിന്റെ ക്രിക്കറ്റ് കഴിവുകൾ പ്രകടമാക്കുന്ന വീഡിയോ സമൂഹ മാധ്യമങ്ങളിൽ വ്യാപകമായി പ്രചരിക്കുകയാണ്. പവർഫുൾ സിക്സർ ഷോട്ടിലൂടെ ബേസിൽ തന്റെ ക്രിക്കറ്റ് പ്രാവീണ്യം പ്രകടമാക്കി.
സഞ്ജുവും ബേസിലും തമ്മിലുള്ള ഈ തമാശ നിറഞ്ഞ കൈമാറ്റം ആരാധകർക്കിടയിൽ വലിയ സ്വീകാര്യത നേടിയിട്ടുണ്ട്. ഇരുവരുടെയും സൗഹൃദം സമൂഹ മാധ്യമങ്ങളിൽ പലപ്പോഴായി വാർത്തയായിട്ടുണ്ട്.
സിനിമയിലും ക്രിക്കറ്റിലും തുല്യ താല്പര്യമുള്ള ബേസിൽ ജോസഫ് പലപ്പോഴും സഞ്ജു സാംസണുമായി ചേർന്ന് വിനോദപരമായ ഉള്ളടക്കങ്ങൾ സൃഷ്ടിച്ചിട്ടുണ്ട്. ഈ പുതിയ വീഡിയോയും അതിൽ ഒന്നായി മാറിയിരിക്കുകയാണ്.
Content Highlights
Video of Basil Joseph hitting sixer goes viral
Sanju Samson shares Basil’s cricket shot on social media
Basil jokingly claims to be next CSK opener
Long-standing friendship between Sanju and Basil well known
Both have appeared together in several promotional videos
Fans enjoy their humorous social media exchanges
