തിരുവനന്തപുരം | 05, ജനുവരി | 2026
നിയമസഭാ തിരഞ്ഞെടുപ്പിലെ കോൺഗ്രസ് സ്ഥാനാർത്ഥികളുടെ ആദ്യഘട്ടപട്ടിക ഈ മാസം ഇരുപതിനകം ഉണ്ടാകുമെന്ന് എഐസിസി ജനറൽ സെക്രട്ടറി കെസി വേണുഗോപാൽ. നിയമസഭാ തിരഞ്ഞെടുപ്പിൽ സ്വയം സ്ഥാനാർത്ഥിത്വം ആരും പ്രഖ്യാപിക്കേണ്ടെന്നും സ്ഥാനാർത്ഥി നിർണയത്തിൽ വിജയ സാധ്യത മാത്രം ആകും മാനദണ്ഡമെന്നും കെ സി വേണുഗോപാൽ പറഞ്ഞു.
അതേസമയം മൂന്നാം പിണറായി ഭരണത്തെ കുറിച്ച് ഇപ്പോൾ ആരും പറയുന്നില്ലെന്ന് പറഞ്ഞ കെ സി വേണുഗോപാൽ ഇനി പറയാതിരിക്കുകയാണ് നല്ലതെന്നും കൂട്ടിച്ചേർത്തു.
“100 സീറ്റിൽ കൂടുതൽ നേടാൻ കഴിയണം. യുവത്വത്തിന്റെ യഥാർത്ഥ പ്രതിഫലനം നൽകുന്ന ഫലമാണ് ഇക്കുറി റിസൾട്ടിൽ കണ്ടത്. അതിനാൽ നിയമസഭാ തിരഞ്ഞെടുപ്പിൽ സ്ത്രീകളെയും യുവാക്കളെയും പരിഗണിക്കും,” കെ സി വേണുഗോപാൽ പറഞ്ഞു.
“നാല് മാസം വിശ്രമം ഇല്ല. മൂന്നാം പിണറായി ഭരണത്തെ കുറിച്ച് ഇപ്പോൾ ആരും പറയുന്നില്ല. നേരത്തെ അങ്ങനെ പറഞ്ഞിരുന്നു. ജനങ്ങൾ നിലപാട് പ്രഖ്യാപിച്ചതോടെ അത് നിന്നു. ഇനി പറയാതിരിക്കുകയാണ് നല്ലത്,” കെ സി വേണുഗോപാൽ വ്യക്തമാക്കി.
ബിജെപിയുമായി അവിഹിത കൂട്ട് കെട്ട് വർദ്ധിപ്പിക്കുകയാണ് സിപിഐഎം എന്നും അദ്ദേഹം ആരോപിച്ചു. തദ്ദേശ തെരഞ്ഞെടുപ്പിലെ അവിശുദ്ധ കൂട്ട് കെട്ട് നിയമസഭ തെരഞ്ഞെടുപ്പിലും ഉണ്ടാകുമെന്ന് കെ സി വേണുഗോപാൽ പറഞ്ഞു.
“കേരളത്തിന്റെ ചരിത്രത്തിൽ രണ്ട് ശത്രുക്കളെ നേരിടേണ്ടി വന്ന തെരഞ്ഞെടുപ്പ് ആണ് ഇത്. സിപിഐഎമ്മും ബിജെപിയും എതിർക്കുന്നത് കോൺഗ്രസിനെയാണ്. ബിജെപിയും സിപിഐഎമ്മും ഒത്ത് കൂടിയാലും പ്രശ്നമില്ല എന്ന് സൂചിപ്പിക്കുന്ന വിധിയാണ് തദ്ദേശ തിരഞ്ഞെടുപ്പിൽ ഉണ്ടായത്. യുഡിഎഫ് വിജയം എൽഡിഎഫ് പ്രതീക്ഷകളെ തകർത്ത് കളഞ്ഞു,” കെ സി വേണുഗോപാൽ പറഞ്ഞു.
സ്ഥാനാർത്ഥി തിരഞ്ഞെടുപ്പിൽ വിജയ സാധ്യതയാണ് പ്രധാന മാനദണ്ഡമെന്ന് വ്യക്തമാക്കിയത് പാർട്ടിയുടെ കർശന നിലപാട് പ്രകടമാക്കുന്നു. സ്ത്രീകൾക്കും യുവാക്കൾക്കും മുൻഗണന നൽകുമെന്ന പ്രഖ്യാപനം തദ്ദേശ തെരഞ്ഞെടുപ്പിലെ യുവജനകീയതയെ പ്രതിഫലിപ്പിക്കുന്നു.
Content Highlights
– First list of Congress candidates by January 20
– No one talking about third Pinarayi government now, says KC Venugopal
– Better not to talk about it anymore
– Women and youth to be prioritized in candidate selection
– Victory probability only criteria for candidate selection
– No self-candidature declarations
– Target to win over 100 seats
– Alleges CPM-BJP unholy alliance
– Congress faces two enemies: CPM and BJP
– No rest for four months, says Venugopal
