തിരുവനന്തപുരം | 06, ജനുവരി | 2026
തിരുവനന്തപുരം കോർപ്പറേഷൻ മേയർ സ്ഥാനം ലഭിക്കാത്തതിൽ തനിക്ക് ഒരു അതൃപ്തിയും ഇല്ലെന്ന് ബിജെപി കൗൺസിലർ ആർ ശ്രീലേഖ വ്യക്തമാക്കി. മഹത്തായ ഭാരതീയ ജനതാ പാർട്ടിയിൽ പ്രവർത്തിക്കുന്നതിൽ അഭിമാനം മാത്രമെന്ന് ശ്രീലേഖ ഫേസ്ബുക്കിൽ കുറിച്ചു. തനിക്ക് ഒരു അതൃപ്തിയും ഇല്ലായിരുന്നു എന്നും ഇപ്പോഴുമില്ലെന്നും ശ്രീലേഖ ഫേസ്ബുക്ക് കുറിപ്പിൽ വ്യക്തമാക്കി.
വൃത്തികെട്ട മാധ്യമപ്രവർത്തനമാണ് കേരളത്തിൽ നടക്കുന്നതെന്നും ശ്രീലേഖ ആരോപിച്ചു. വിവാദങ്ങൾ വെറുതെ വിറ്റ് കാശ് ആക്കാൻ ചില മാധ്യമങ്ങൾ എഡിറ്റ് ചെയ്ത ഭാഗങ്ങൾ മാത്രം കാണിച്ച് അവരുടെ കള്ളക്കഥകൾ പ്രചരിപ്പിക്കുന്നുവെന്നും ശ്രീലേഖ കുറ്റപ്പെടുത്തി.
ഫേസ്ബുക്ക് പോസ്റ്റിൽ ശ്രീലേഖ പറഞ്ഞത്:
“വൃത്തികെട്ട മാധ്യമപ്രവർത്തനമാണ് കേരളത്തിൽ! ഇന്ന് എന്നെ ഓഫീസിൽ പ്രവേശിപ്പിക്കാതെ ശല്യം ചെയ്ത് പുറകെ നടന്നു ചോദ്യം ചോദിച്ച് ഹരാസ് ചെയ്ത മുഖ്യധാരാ മാധ്യമങ്ങൾ ചിലർ എഡിറ്റ് ചെയ്ത ഭാഗങ്ങൾ മാത്രം കാണിച്ച് അവരുടെ കള്ളക്കഥകൾ പ്രചരിപ്പിക്കുന്നു… വിവാദങ്ങൾ വെറുതെ വിറ്റ് ‘കാശ്’ (റേറ്റിംഗ്) ആക്കാൻ! ഇതൊക്കെ കാണുന്ന പാവം മലയാളികൾ ചിലരെങ്കിലും അത് വിശ്വസിക്കുന്നു! ഹാ കഷ്ടം!”
“ആവർത്തിച്ചു പറയുന്നു – മാപ്രകൾ എന്ത് കള്ളം പറഞ്ഞാലും, എനിക്ക് ഒരു അതൃപ്തിയും ഇല്ലായിരുന്നു, ഇപ്പോഴും ഇല്ല. മഹത്തായ ഭാരതീയ ജനതാ പാർട്ടിയിൽ പ്രവർത്തിക്കുന്നതിൽ അഭിമാനം മാത്രം! I am a proud party worker, a happy Ward Councillor & a dedicated public servant,” ശ്രീലേഖ കുറിച്ചു.
എന്നാൽ നേരത്തെ തിരുവനന്തപുരം കോർപ്പറേഷൻ മേയർ സ്ഥാനം ലഭിക്കാത്തതിലെ അതൃപ്തി ശ്രീലേഖ തുറന്ന് പറഞ്ഞിരുന്നു. തെരഞ്ഞെടുപ്പിൽ നിർത്തിയത് കൗൺസിലറാകാൻ വേണ്ടി മാത്രമല്ലെന്നും മേയറാക്കുമെന്ന വാഗ്ദാനത്തിന്റെ പുറത്താണെന്നും ആർ ശ്രീലേഖ തുറന്നടിച്ചിരുന്നു.
മത്സരിക്കാൻ വിസമ്മതിച്ച തന്നെ മേയറാക്കുമെന്ന ഉറപ്പിലാണ് മത്സരിപ്പിച്ചതെന്നും അങ്ങനെ പറയുന്നത് കേട്ടപ്പോൾ താനായിരിക്കും കോർപ്പറേഷൻ തെരഞ്ഞെടുപ്പിന്റെ മുഖമെന്നാണ് കരുതിയതെന്നും ശ്രീലേഖ പറഞ്ഞിരുന്നു.
സ്ഥാനാർത്ഥികൾക്ക് എല്ലാവർക്കും വേണ്ടി പ്രവർത്തിക്കേണ്ട ബിജെപി സംസ്ഥാന വൈസ് പ്രസിഡന്റ് കൂടിയാണ് താനെന്നും പത്തു സ്ഥാനാർത്ഥിയെ ജയിപ്പിക്കാനുള്ള ചുമതലയും നൽകിയെന്നും അവസാനം കൗൺസിലറാകേണ്ട സാഹചര്യത്തിൽ പാർട്ടി പറഞ്ഞത് അംഗീകരിക്കുകയായിരുന്നുവെന്നും ശ്രീലേഖ നേരത്തെ പ്രതികരിച്ചിരുന്നു.
താനാണ് കോർപ്പറേഷൻ തെരഞ്ഞെടുപ്പിന്റെ മുഖമെന്നാണ് നേതൃത്വം പറഞ്ഞതും ചാനലുകൾക്ക് മുന്നിൽ അവതരിപ്പിച്ചതും ചർച്ചകൾക്കും താനാണ് പോയിരുന്നതെന്നും ആർ ശ്രീലേഖ പറഞ്ഞിരുന്നു.
Content Highlights
R Sreelekha says no dissatisfaction over not getting Mayor post
Claims pride in working for BJP
Accuses Kerala media of unethical journalism
Alleges media edited clips to spread false stories
Says media harassed her at office
Earlier openly expressed displeasure over Mayor position
Had stated she contested on promise of being made Mayor
Was BJP state vice president tasked with winning 10 seats
Was projected as face of corporation elections
Participated in debates representing party
