വാഷിംഗ്ടൺ | ജനുവരി | 07, 2026
പ്രധാനമന്ത്രി നരേന്ദ്ര മോദിയുമായുള്ള തന്റെ വ്യക്തിബന്ധത്തെയും ഇന്ത്യയുടെ പ്രതിരോധ ആവശ്യങ്ങളെയും കുറിച്ച് വെളിപ്പെടുത്തലുമായി യുഎസ് പ്രസിഡന്റ് ഡൊണാൾഡ് ട്രംപ്. “സർ, ഞാൻ താങ്കളെ വന്നു കാണട്ടെ, പ്ലീസ്” എന്ന് ചോദിച്ചുകൊണ്ടാണ് മോദി തന്നെ സമീപിച്ചതെന്ന് ട്രംപ് ഒരു പൊതുവേദിയിൽ സംസാരിക്കവെ അവകാശപ്പെട്ടു. അപ്പാച്ചെ ഹെലികോപ്റ്ററുകൾ ലഭിക്കുന്നതിലെ കാലതാമസം സംബന്ധിച്ച വിഷയം ചർച്ച ചെയ്യാനാണ് മോദി എത്തിയതെന്നും ട്രംപ് കൂട്ടിച്ചേർത്തു.
അപ്പാച്ചെ ഇടപാടും ട്രംപിന്റെ അവകാശവാദവും:
ഇന്ത്യ 68 അപ്പാച്ചെ ഹെലികോപ്റ്ററുകൾക്കായി ഓർഡർ നൽകി വർഷങ്ങളായി കാത്തിരിക്കുകയാണെന്ന് ട്രംപ് ചൂണ്ടിക്കാട്ടി. അഞ്ച് വർഷമായിട്ടും ഈ കരാറിൽ പുരോഗതിയില്ലാത്തതിനെ തുടർന്നാണ് മോദി തന്നെ നേരിട്ട് കണ്ട് സംസാരിക്കാൻ താൽപ്പര്യം പ്രകടിപ്പിച്ചത്. മോദിയുമായി തനിക്ക് മികച്ച ബന്ധമാണുള്ളതെങ്കിലും വ്യാപാര തീരുവകളുടെ (Tariff) കാര്യത്തിൽ ഇന്ത്യക്ക് ഇപ്പോൾ തന്നോട് അല്പം അതൃപ്തിയുണ്ടെന്നും ട്രംപ് ഹാൗസ് ജിഒപി മെമ്പർ റിട്രീറ്റിൽ സംസാരിക്കവെ പറഞ്ഞു.
റഷ്യൻ എണ്ണയും വ്യാപാരവും:
യുഎസ് ഏർപ്പെടുത്തിയ അധിക നികുതിയും സമ്മർദ്ദവും ഫലം കണ്ടുതുടങ്ങിയെന്നും ഇന്ത്യ റഷ്യയിൽ നിന്നുള്ള എണ്ണ ഇറക്കുമതി ഗണ്യമായി കുറച്ചതായും ട്രംപ് അവകാശപ്പെട്ടു. തീരുവകൾ വർദ്ധിപ്പിച്ചത് അമേരിക്കൻ സമ്പദ്വ്യവസ്ഥയ്ക്ക് കരുത്തായെന്നും ഇതുവഴി രാജ്യം കൂടുതൽ സാമ്പത്തിക ലാഭമുണ്ടാക്കുകയാണെന്നും ട്രംപ് വ്യക്തമാക്കി. സൈനിക സംഭരണത്തിലെ തടസ്സങ്ങൾ നീക്കി ഹെലികോപ്റ്റർ ഇടപാട് വേഗത്തിലാക്കുമെന്ന സൂചനയും അദ്ദേഹം നൽകി.
Content Highlights
US President Donald Trump claims PM Modi addressed him as ‘Sir’ while seeking a meeting.
Trump mentioned India’s 5-year wait for 68 Apache helicopters.
He noted that Modi is slightly unhappy due to the high tariffs imposed by the US.
Trump highlighted that India has significantly reduced oil imports from Russia.
The US President claimed high tariffs are making the American economy wealthier.
