പത്തനംതിട്ട | 06, ഫെബ്രുവരി | 2026
പത്തനംതിട്ട: തിരുവല്ലയിലെ സ്പായിൽ അതിക്രമിച്ചു കയറി ആറംഗ ഗുണ്ടാസംഘം നടത്തിയ അഴിഞ്ഞാട്ടത്തിന്റെയും ക്രൂരമായ ബലാത്സംഗത്തിന്റെയും ഞെട്ടിക്കുന്ന വിവരങ്ങൾ പുറത്ത്. കേസിലെ ഒന്നാം പ്രതിയായ കാപ്പ കേസ് പ്രതി സുബിൻ, സ്പാ ജീവനക്കാരിയെ കത്തിമുനയിൽ നിർത്തി പീഡിപ്പിച്ചുവെന്നാണ് പോലീസ് നൽകുന്ന വിവരം. പണം ആവശ്യപ്പെട്ടുള്ള ഭീഷണിക്ക് പിന്നാലെയായിരുന്നു ക്രൂരകൃത്യം.
പുറത്തുവരുന്ന വിവരങ്ങൾ:
- ബലാത്സംഗം: സ്പായിലേക്ക് അതിക്രമിച്ചു കയറിയ സുബിൻ യുവതിയെ ബലംപ്രയോഗിച്ച് അടുത്ത മുറിയിലേക്ക് മാറ്റി. തുടർന്ന് സ്പാ ബെഡിലേക്ക് തള്ളിയിട്ട ശേഷം കഴുത്തിൽ സ്റ്റീൽ കത്തിവെച്ച് കൊല്ലുമെന്ന് ഭീഷണിപ്പെടുത്തി ബലാത്സംഗം ചെയ്യുകയായിരുന്നു.
- ക്രൂരമായ മർദ്ദനം: യുവതിയുടെ മുഖത്തും ശരീരത്തും പ്രതി മർദ്ദിച്ചു. ബലംപ്രയോഗിച്ച് കൂടെ നിർത്തി സെൽഫിയെടുക്കുകയും സ്പായിൽ വന്ന മറ്റൊരാൾക്കൊപ്പം ചേർത്തുനിർത്തി വീഡിയോ ചിത്രീകരിക്കുകയും ചെയ്തു.
- മോഷണവും ഭീഷണിയും: സംഘത്തിലെ മറ്റ് പ്രതികൾ യുവതിയുടെ കൈവശമുണ്ടായിരുന്ന 2500 രൂപ ബലംപ്രയോഗിച്ച് തട്ടിയെടുക്കുകയും 50,000 രൂപയോളം ഗുണ്ടാപ്പിരിവ് ആവശ്യപ്പെട്ട് ഭീഷണിപ്പെടുത്തുകയും ചെയ്തു.
മന്ത്രിയുടെ പ്രതികരണം:
സംഭവം അങ്ങേയറ്റം ഞെട്ടിക്കുന്നതാണെന്ന് ആരോഗ്യ മന്ത്രി വീണാ ജോർജ് പ്രതികരിച്ചു. കൊടും ക്രിമിനലുകളെ ശിക്ഷിക്കാൻ നിലവിലുള്ളതിനേക്കാൾ കർക്കശമായ നിയമങ്ങൾ ആവശ്യമാണെന്നും പെൺകുട്ടിയെ നേരിൽ കണ്ട് പിന്തുണ നൽകുമെന്നും മന്ത്രി വ്യക്തമാക്കി.
പോലീസ് നടപടി:
ഫെബ്രുവരി ഒന്നിനായിരുന്നു സംഭവം. ആദ്യഘട്ടത്തിൽ ഭയം മൂലം പരാതി നൽകാൻ യുവതികൾ തയ്യാറായിരുന്നില്ലെങ്കിലും സി.സി.ടി.വി ദൃശ്യങ്ങൾ പുറത്തുവന്നതിനെത്തുടർന്ന് പോലീസ് ഇടപെടുകയായിരുന്നു. പോലീസ് നൽകിയ ധൈര്യത്തിലാണ് ഒരു യുവതി പീഡനവിവരം തുറന്നുപറഞ്ഞത്. ഇതോടെ ഒന്നാം പ്രതി സുബിനെ പോലീസ് അറസ്റ്റ് ചെയ്തു. ഒളിവിലുള്ള മറ്റ് അഞ്ച് പ്രതികൾക്കായി തിരച്ചിൽ ഊർജ്ജിതമാക്കി.
Key Highlights
- The Incident: A 6-member gang led by KAAPA accused Subin attacked a spa in Thiruvalla on Feb 1.
- Modus Operandi: Demanded money (Rs 40,000–50,000) before violently assaulting a female staff member.
- Brutality: Victim was threatened with a steel knife, raped, beaten, and filmed to intimidate her.
- Political Response: Health Minister Veena George called for stricter laws to deal with hardcore criminals.
- Arrest: Subin has been arrested following the victim’s formal complaint; others are on the run.
