തിരുവനന്തപുരം | 10, ജനുവരി | 2026
കേന്ദ്ര ആഭ്യന്തര മന്ത്രി അമിത് ഷായുടെ സന്ദർശനത്തിന്റെ ഭാഗമായി തിരുവനന്തപുരത്ത് വ്യാപക ഗതാഗത നിയന്ത്രണം ഏർപ്പെടുത്തി. ജനുവരി 10, 11 (ശനി, ഞായർ) ദിവസങ്ങളിൽ നഗരത്തിന്റെ വിവിധ പ്രധാന മാർഗങ്ങളിലാണ് നിയന്ത്രണം നിലവിൽ വരുന്നത്.
ശനിയാഴ്ച രാത്രി 7 മണി മുതൽ 11.30 വരെയും ഞായറാഴ്ച രാവിലെ 7 മണി മുതൽ വൈകിട്ട് 6 മണി വരെയുമാണ് നഗരത്തിന്റെ പല ഭാഗങ്ങളിലും ഗതാഗത നിയന്ത്രണം ഏർപ്പെടുത്തിയിട്ടുള്ളത്. നിയന്ത്രണം ഏർപ്പെടുത്തിയ മാർഗങ്ങളിൽ വാഹനങ്ങൾ പാർക്ക് ചെയ്യുന്നത് അനുവദിക്കില്ലെന്ന് അധികൃതർ വ്യക്തമാക്കി.
ശനിയാഴ്ച രാത്രി 7 മണി മുതൽ വിമൻസ് കോളേജ്, പനവിള, ബേക്കറി ഫ്ലൈ ഓവർ, ചാക്ക, പേട്ട, ആശാൻ സ്ക്വയർ, പാറ്റൂർ, ജനറൽ ആശുപത്രി, കലാഭവൻ മണി റോഡ്, ഡൊമസ്റ്റിക് എയർപോർട്ട് റോഡ്, ശംഖുമുഖം ഓൾ സെയിന്റ്സ്, ഗസ്റ്റ് ഹൗസ് റോഡിന്റെ ഇരുവശങ്ങളിലും വാഹന പാർക്കിങ് നിരോധിച്ചിരിക്കുകയാണ്.
ഞായറാഴ്ച രാവിലെ 7 മണി മുതൽ വൈകിട്ട് 6 മണി വരെ വിമൻസ് കോളേജ്, തൈക്കാട്, ചൂരക്കാട്ടുപാളയം, പവർഹൗസ് റോഡ്, തമ്പാനൂർ ഫ്ലൈ ഓവർ, ശ്രീകണ്ഠേശ്വരം പാർക്ക്, എസ്പി ഫോർട്ട്, മിത്രാനന്ദപുരം, വാഴപ്പള്ളി റോഡ്, അരിസ്റ്റോ ജംഗ്ഷൻ, മാരാർജി ഭവൻ റോഡ്, നോർക്ക ജംഗ്ഷൻ, സംഗീത കോളേജ് റോഡ്, പിഎച്ച്ക്യു, ആൽത്തറ ജംഗ്ഷൻ, വെള്ളയമ്പലം, ടിടിലിസ ഗോൾഫ് ലിങ്ക്സ്, ഉദയപാലസ് റോഡ്, പൊന്നറ പാർക്ക്, മോഡൽ സ്കൂൾ ജംഗ്ഷൻ, പഞ്ചാപുര, ആശാൻ സ്ക്വയർ, ചാക്ക, പാറ്റൂർ, പള്ളിമുക്ക്, പേട്ട, ഓൾ സെയിന്റ്, ഡൊമസ്റ്റിക് എയർപോർട്ട് റോഡ്, ശംഖുമുഖം എന്നിവിടങ്ങളിൽ പാർക്കിങ് പൂർണമായി നിരോധിച്ചിരിക്കുന്നു.
നിയന്ത്രണം ഏർപ്പെടുത്തിയ റോഡുകളിൽ വാഹനങ്ങൾ പാർക്ക് ചെയ്യുന്നവർക്കെതിരെ കർശന നിയമനടപടി സ്വീകരിക്കുകയും വാഹനങ്ങൾ നീക്കം ചെയ്യുകയും ചെയ്യുമെന്ന് അധികൃതർ മുന്നറിയിപ്പ് നൽകി. ഗതാഗത നിയന്ത്രണവുമായി ബന്ധപ്പെട്ട സംശയങ്ങൾക്ക് 04712558731, 9497730055 എന്നീ നമ്പറുകളിൽ ബന്ധപ്പെടാവുന്നതാണ്.
Content Highlights: Union Home Minister Amit Shah’s visit prompts traffic restrictions in Thiruvananthapuram; parking banned in major areas on Saturday evening and Sunday; authorities warn of strict action against violators
