തിരുവനന്തപുരം | 26, ഡിസംബർ | 2025
കെപിസിസി രാഷ്ട്രീയ കാര്യസമിതി അംഗം എൻ സുബ്രഹ്മണ്യനെ കസ്റ്റഡിയിൽ എടുത്തത് ഏകാധിപതിയുടെ നടപടിയാണെന്ന് പ്രതിപക്ഷ നേതാവ് വി ഡി സതീശൻ രൂക്ഷമായി വിമർശിച്ചു. ഇത് കേരളമാണെന്നും സ്റ്റാലിന്റെ റഷ്യയല്ലെന്നും അദ്ദേഹം പറഞ്ഞു. ഉണ്ണികൃഷ്ണൻ പോറ്റിയും മുഖ്യമന്ത്രിയും നിൽക്കുന്ന ഫോട്ടോ സോഷ്യൽ മീഡിയയിൽ പങ്കുവെച്ചതാണോ പ്രശ്നമെന്നും വി ഡി സതീശൻ ചോദിച്ചു.
“പിണറായി വിജയൻ കേരളത്തിന് അപമാനം”
“മിസ്റ്റർ പിണറായി വിജയൻ ആരെയാണ് പേടിപ്പിക്കാൻ നോക്കുന്നത്? ഞങ്ങളെയാണോ? ഭരണം അവസാനിക്കാൻ പോകുമ്പോഴുള്ള അഹങ്കാരമാണിത്. പേടിപ്പിക്കാൻ വരേണ്ട, അങ്ങനെ യുഡിഎഫ് പിന്മാറില്ല. പിണറായി വിജയൻ കേരളത്തിന് അപമാനമാണ്. എന്തും ചെയ്യാമെന്ന ധാരണ വേണ്ട,” വി ഡി സതീശൻ പറഞ്ഞു.
താൻ അടക്കമുള്ളവർ ഡാൻസ് കളിക്കുന്ന വീഡിയോയും ബോക്സിംഗ് ചെയ്യുന്ന വീഡിയോകളും AI യിൽ സിപിഐഎം പ്രവർത്തകർ പ്രചരിപ്പിച്ചതായി സതീശൻ ആരോപിച്ചു. “കേസെടുത്തോ? പൊലീസ് നിങ്ങളുടെ തറവാട് സ്വത്താണോ?” എന്ന് സിപിഐഎമ്മിനോട് പ്രതിപക്ഷ നേതാവ് ചോദിച്ചു.
പേടിപ്പിക്കൽ കഴിയാറായി
“ഈ പേടിപ്പിക്കലൊക്കെ കഴിയാറായല്ലോ. തങ്ങളുടെ എല്ലാ പ്രവർത്തകരോടും മുഖ്യമന്ത്രിയും പോറ്റിയും നിൽക്കുന്ന പടം സോഷ്യൽ മീഡിയയിൽ ഇടാൻ പറഞ്ഞിട്ടുണ്ട്,” എന്ന് സതീശൻ കൂട്ടിച്ചേർത്തു.
സുബ്രഹ്മണ്യനെ കസ്റ്റഡിയിൽ
ഇന്ന് രാവിലെയാണ് സുബ്രഹ്മണ്യനെ പൊലീസ് കസ്റ്റഡിയിലെടുത്തത്. ചോദ്യം ചെയ്യാൻ വിളിപ്പിച്ചിരുന്നെങ്കിലും ഹാജരായിരുന്നില്ല. തുടർന്നാണ് കസ്റ്റഡിയിലെടുത്തത്. ബിഎൻഎസ് 122 വകുപ്പ് പ്രകാരം ചേവായൂർ പൊലീസായിരുന്നു സുബ്രഹ്മണ്യനെതിരെ സ്വമേധയാ കേസെടുത്തത്.
“പിണറായി വിജയനും ഉണ്ണികൃഷ്ണൻ പോറ്റിയും തമ്മിൽ ഇത്രമേൽ അഗാധമായ ബന്ധം ഉണ്ടാകാൻ എന്തായിരിക്കും കാരണം” എന്ന ക്യാപ്ഷനോടെയായിരുന്നു AI ചിത്രം എൻ സുബ്രഹ്മണ്യൻ സോഷ്യൽ മീഡിയയിൽ പങ്കുവെച്ചത്.
ശബരിമല സ്വർണക്കൊള്ള കേസുമായി ബന്ധപ്പെട്ട ഫോട്ടോ വിവാദങ്ങൾ രാഷ്ട്രീയ സംഘർഷങ്ങൾക്കും പൊലീസ് നടപടികൾക്കും ഇടയാക്കിയിരിക്കുകയാണ്. യുഡിഎഫും എൽഡിഎഫും തമ്മിലുള്ള രാഷ്ട്രീയ വാക്പോര് രൂക്ഷമാകുന്നു.
Content Highlights: VD Satheesan says police is not family property, calls CM Pinarayi Vijayan disgrace to Kerala, criticizes N Subramanian custody as dictatorial move, says this is Kerala not Stalin’s Russia, questions police action on AI photo sharing, UDF will not back down from threats
