കൊച്ചി | 08, ജനുവരി | 2026
സിറോ മലബാർ ആസ്ഥാനത്തെത്തി പ്രതിപക്ഷ നേതാവ് വി ഡി സതീശൻ. കാക്കനാട് മൗണ്ട് സെന്റ് തോമസിൽ ഇന്നലെ രാത്രി 9.15-നാണ് വി ഡി സതീശനെത്തിയത്. സിനഡ് സമ്മേളനം പുരോഗമിക്കുന്നതിനിടെയാണ് സതീശൻ എത്തിയത്.
മേജർ ആർച്ച് ബിഷപ്പ് മാർ റാഫേൽ തട്ടിലുമായി ഒരു മണിക്കൂറോളം കൂടിക്കാഴ്ച നടത്തി. അത്താഴ വിരുന്നിലും വി ഡി സതീശൻ പങ്കെടുത്തു. നിയമസഭാ തെരഞ്ഞെടുപ്പ് നടക്കാനിരിക്കെ സതീശൻ സഭാ ആസ്ഥാനത്തെത്തി നടത്തിയ കൂടിക്കാഴ്ചക്ക് വലിയ രാഷ്ട്രീയ പ്രാധാന്യമാണുള്ളത്.
200 ക്രൈസ്തവ വേദികളിൽ പങ്കെടുത്തു
പ്രതിപക്ഷ നേതാവായതിന് ശേഷം വി ഡി സതീശൻ നടത്തിയ ഇടപെടലുകൾ കേരളത്തിലെ ക്രൈസ്തവ സഭകളുടെ പിന്തുണ യുഡിഎഫിന് ലഭിക്കുന്നതിൽ വിജയിച്ചു എന്ന വിലയിരുത്തൽ കോൺഗ്രസ് നേതൃത്വത്തിനുണ്ട്. 200-ഓളം ക്രൈസ്തവ വേദികളിലാണ് കഴിഞ്ഞ നാലര വർഷത്തിനിടെ വി ഡി സതീശൻ പങ്കെടുത്തത്.
തദ്ദേശ തെരഞ്ഞെടുപ്പിന് ശേഷവും വി ഡി സതീശൻ വിവിധ സാമൂഹ്യ വിഭാഗങ്ങളുമായുള്ള ഇടപെടലുകൾ സജീവമാക്കാൻ ശ്രമിക്കുന്നു എന്നാണ് ഇന്നലത്തെ സന്ദർശനത്തോടെ മനസിലാക്കാൻ കഴിയുന്നത്.
തദ്ദേശ തെരഞ്ഞെടുപ്പിൽ വിജയം
തദ്ദേശ തെരഞ്ഞെടുപ്പിൽ എറണാകുളം, കോട്ടയം, ഇടുക്കി, പത്തനംതിട്ട ജില്ലകളിൽ വലിയ വിജയമാണ് യുഡിഎഫ് നേടിയത്. ഈ ജില്ലകളിൽ ക്രൈസ്തവ സമുദായത്തിന്റെ സാന്നിധ്യം ശക്തമാണ്.
നിയമസഭാ തെരഞ്ഞെടുപ്പിലേക്കുള്ള തയ്യാറെടുപ്പിന്റെ ഭാഗമായി വിവിധ സാമൂഹിക വിഭാഗങ്ങളുമായി ബന്ധം ശക്തമാക്കാനുള്ള ശ്രമത്തിന്റെ ഭാഗമായാണ് സതീശന്റെ സഭാ നേതൃത്വവുമായുള്ള സജീവ ഇടപെടലുകൾ.
സിനഡ് സമ്മേളനം പുരോഗമിക്കുന്ന സമയത്ത് നടന്ന കൂടിക്കാഴ്ച രാഷ്ട്രീയ നിരീക്ഷകർ സൂക്ഷ്മമായി നിരീക്ഷിക്കുകയാണ്. തെരഞ്ഞെടുപ്പിന് മുന്നോടിയായി സഭാ നേതൃത്വവുമായുള്ള ഇത്തരം കൂടിക്കാഴ്ചകൾ രാഷ്ട്രീയ സമവാക്യങ്ങളിൽ സ്വാധീനം ചെലുത്തുമെന്നാണ് കോൺഗ്രസ് പ്രതീക്ഷിക്കുന്നത്.
Content Highlights
VD Satheesan visits Syro Malabar Church headquarters
One hour meeting with Major Archbishop Mar Raphael Thattil
Participated in dinner at Mount St Thomas, Kakkanad
Visit during Synod assembly meeting
Politically significant ahead of assembly elections
Participated in 200 Christian forums in 4.5 years
Congress assesses interventions successful in gaining church support
Active engagement with various social groups continues
UDF won big in Ernakulam, Kottayam, Idukki, Pathanamthitta
Meeting seen as preparation for assembly polls
