തിരുവനന്തപുരം | 06, ജനുവരി | 2026
നടി സ്നേഹ ശ്രീകുമാറിനെ അധിക്ഷേപിച്ചും ബോഡി ഷെയിമിങ് നടത്തിയും കലാമണ്ഡലം സത്യഭാമ ഫേസ്ബുക്ക് വീഡിയോയിലൂടെ രംഗത്തെത്തി. ‘പിണ്ഡോദരി’ എന്ന അധിക്ഷേപ ടൈറ്റിലാണ് സ്നേഹയെ കുറിച്ചുള്ള വീഡിയോയ്ക്ക് സത്യഭാമ നൽകിയിരിക്കുന്നത്.
മുമ്പ് നർത്തകനും നടൻ കലാഭവൻ മണിയുടെ സഹോദരനുമായ ആർഎൽവി രാമകൃഷ്ണനുമായി ബന്ധപ്പെട്ട് സത്യഭാമ നടത്തിയ വിവാദ പരാമർശങ്ങളിൽ സ്നേഹ പ്രതികരിച്ചിരുന്നു. രാമകൃഷ്ണനെ അനുകൂലിച്ചാണ് സ്നേഹ പ്രതികരിച്ചത്. ഇതിനുള്ള മറുപടിയാണ് സത്യഭാമയുടെ പുതിയ ഫേസ്ബുക്ക് വീഡിയോ.
സത്യഭാമയുടെ അധിക്ഷേപ പരാമർശങ്ങൾ
“മറിമായത്തിലാണ് എന്നെ വിഷമിപ്പിച്ച, എനിക്കെതിരെ പോസ്റ്റിട്ട ഒരുത്തി ഉള്ളത്. നിങ്ങൾക്ക് എല്ലാവർക്കും അവളെ അറിയാം, ആകെപ്പാടെ ഉരുണ്ടുപരന്ന് ഇരിക്കുന്ന ഒരുത്തി. കലാമണ്ഡലത്തിൽ ഓട്ടൻതുള്ളൽ പഠിച്ച ഒരുത്തി. ഇവൾ എന്തു തുള്ളൽ ആണ് പഠിച്ചതെന്ന് പോലും എനിക്കറിഞ്ഞുകൂടാ,” സത്യഭാമ വീഡിയോയിൽ പറയുന്നു.
“ഇന്റർവ്യൂവിൽ ഡാൻസിന് കിട്ടാഞ്ഞിട്ടല്ലേ നീ ഓട്ടൻതുള്ളൽ എടുത്തത്. ഓട്ടൻതുള്ളൽ ആണോ തുള്ളുന്നത്. നീ പഠിച്ച തൊഴിൽ ആദ്യം കൈകാര്യം ചെയ്യ്. നീ ജനിക്കുന്നതിനു മുമ്പ് ചായം തേച്ച് ഫീൽഡിൽ ഇറങ്ങിയതാണ് ഞാൻ. നീയൊന്ന് കളിച്ചു കാണിക്ക്. കഞ്ഞി കുടിച്ച് ജീവിക്കാൻ വേണ്ടിയല്ലേ അഭിനയിക്കാൻ പോയത്. നീ വലിയ ആർട്ടിസ്റ്റ് ആണെന്നാണോ വിചാരം,” സത്യഭാമ കൂട്ടിച്ചേർത്തു.
“അന്തസ് ആയിട്ടാണ് ഞാൻ കലാമണ്ഡലത്തിൽ നിന്ന് പഠിച്ചിറങ്ങിയത്. നിന്റെ നാട്ടിൽ ഒരു പരിപാടിക്ക് എന്നെ വിളിക്ക്, ഞാൻ വന്നു കളിക്കാം. എന്നെ വിമർശിച്ച് കുറച്ചു ദിവസങ്ങൾക്ക് ശേഷം നിനക്ക് കിട്ടി. നിന്റെ ഭർത്താവ് പീഡനക്കേസിൽ പ്രതിയായി, ശരിയാണോ? അതൊക്കെ നീ മറന്നോ? ഞങ്ങൾ അതൊക്കെ മറക്കുമെന്ന് നീ വിചാരിച്ചു. അതിനാണ് ദൈവം എന്ന ശക്തിയുള്ളത്,” സത്യഭാമ പറഞ്ഞു.
രൂക്ഷ വിമർശനം
വീഡിയോയ്ക്ക് പിന്നാലെ രൂക്ഷ വിമർശനമാണ് സത്യഭാമയ്ക്ക് നേരെ ഉയരുന്നത്. “ആരും മൈൻഡ് ചെയ്യാതെ ഇരുന്നപ്പോൾ ശ്രദ്ധ നേടാനുള്ള വീഡിയോ ആണ്,” “സ്നേഹ അസാധ്യ കലാകാരിയാണ്. അവരെ ചോദ്യം ചെയ്യാനുള്ള യോഗ്യതയൊന്നും സത്യഭാമയ്ക്കില്ല” എന്നിങ്ങനെയാണ് വീഡിയോയ്ക്ക് ലഭിക്കുന്ന കമന്റുകൾ.
ബോഡി ഷെയിമിങ്ങും അപമാനകരമായ ഭാഷയും ഉപയോഗിച്ച സത്യഭാമയുടെ പ്രതികരണം സാമൂഹിക മാധ്യമങ്ങളിൽ വ്യാപക വിമർശനത്തിന് ഇടയാക്കിയിട്ടുണ്ട്. ഈ വിഷയത്തിൽ സ്നേഹ ഇതുവരെ പ്രതികരിച്ചിട്ടില്ല.
Content Highlights
Kalamandalam Sathyabhama abuses actress Sneha Sreekumar
Video titled with derogatory term ‘Pindodari’
Body shaming and offensive remarks against Sneha
Controversy stems from earlier comments on RLV Ramakrishnan issue
Sathyabhama questions Sneha’s artistic credentials
Makes derogatory comments about Sneha’s body and career
References Sneha’s husband’s harassment case
Video receives severe criticism on social media
Public supports Sneha, calls her exceptional artist
Sneha yet to respond to abusive remarks
