തിരുവനന്തപുരം | 03, ജനുവരി | 2026
എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശനെ പിന്തുണച്ച് ബിജെപി നേതാവ് ബി ഗോപാലകൃഷ്ണൻ. വെള്ളാപ്പള്ളി നടേശനെ കരി ഓയിൽ ഒഴിച്ച് ആക്രമിക്കുന്നവർക്ക് പണവും അവാർഡും നൽകും എന്ന യൂത്ത് കോൺഗ്രസ് നേതാവ് മലപ്പുറം ജില്ലാ പ്രസിഡന്റ് ഹാരിസ് മുതുരിനുള്ള മറുപടിയായാണ് ബിജെപി നേതാവ് രംഗത്തെത്തിയത്. ഫേസ്ബുക്ക് പോസ്റ്റിലൂടെയാണ് മറുപടി.
എത്ര മതേതര മുഖം മൂടി അണിഞ്ഞാലും ഉള്ളിൽ ഉള്ള ജിഹാദിത്തരം അറിയാതെ പുറത്തേക്ക് വരുന്നതിന്റെ തെളിവാണ് യൂത്ത് കോൺഗ്രസ് നേതാവിന്റെ പ്രതികരണമെന്ന് ബി ഗോപാലകൃഷ്ണൻ ഫേസ്ബുക്കിൽ കുറിച്ചു. അമ്പലം കൊള്ളക്കാരായ കമ്മ്യൂണിസ്റ്റുകളെക്കാൾ 100 ഇരട്ടി വീര്യമുള്ള ഉഗ്ര വിഷം ആണ് പൊളിറ്റിക്കൽ ഇസ്ലാമിന്റെ പിന്തുണയോടെ അധികാരത്തിൽ എത്താൻ ശ്രമിക്കുന്ന യുഡിഎഫ് എന്ന വർഗീയ മുന്നണിയെന്നും ബി ഗോപാലകൃഷ്ണൻ ഫേസ്ബുക്ക് പോസ്റ്റിൽ പറയുന്നു.
ഫേസ്ബുക്ക് പോസ്റ്റ് (സംക്ഷിപ്തം)
“ഹാരിസ് മുതുർ എന്ന യൂത്ത് കോൺഗ്രസ് മലപ്പുറം ജില്ലാ പ്രസിഡന്റിനോടും കേരളീയ സമൂഹത്തിന്റെ അറിവിലേക്കും ആണ് ഇവിടെ പറയാനുള്ളത്. എസ്എൻഡിപി യോഗത്തിന്റെ ആദരണീയനായ ജനറൽ സെക്രട്ടറി ശ്രീ വെള്ളാപ്പള്ളി നടേശനെ കരി ഓയിൽ ഒഴിച്ച് ആക്രമിക്കുന്നവർക്ക് പണവും അവാർഡും നൽകും എന്ന് പരസ്യമായി ആഹ്വാനം ചെയ്തത് മാധ്യമ വാർത്തകൾ വഴിയാണ് എന്റെ ശ്രദ്ധയിൽ പെട്ടത്.”
“ആദ്യം തന്നെ കോൺഗ്രസിന്റെ മുഖം മൂടി അണിഞ്ഞ ജിഹാദിയോട് പറയാൻ ഉള്ളത് ഇത് വാര്യംകുന്നന്റെ 1921 അല്ല, നരേന്ദ്രമോദി നയിക്കുന്ന 2026ൽ എത്തി ഈ നാട്. നിങ്ങൾ എത്ര മതേതര മുഖം മൂടി അണിഞ്ഞാലും ഉള്ളിൽ ഉള്ള ജിഹാദിത്തരം അറിയാതെ പുറത്തേക്ക് വരും.”
“കേരളത്തിലെ ഹൈന്ദവ സമൂഹത്തിലെ ഏതാണ്ട് 23% വരുന്ന പ്രധാനപ്പെട്ട വിഭാഗം ആണ് ഈഴവ/തിയ്യ വിഭാഗം. ആ വിഭാഗങ്ങൾ ഉൾകൊള്ളുന്ന എസ്എൻഡിപിയുടെ അനിഷേധ്യനായ നേതാവാണ് ശ്രീ വെള്ളാപ്പള്ളി നടേശൻ. അതുകൊണ്ട് യൂത്ത് കോൺഗ്രസ് ജിഹാദിയുടെ വിരട്ടൽ ഭീഷണി ഒന്നും ഇങ്ങോട്ട് ഇറക്കരുത്. കേരളത്തിൽ ഇന്നും ഹിന്ദു സമൂഹം 54% ഉണ്ട് എന്നുള്ള കാര്യം മിസ്റ്റർ യൂത്തനെ ഓർമ്മപ്പെടുത്തുകയാണ്.”
“മതേതര കോൺഗ്രസിനെ കുറിച്ച് പറഞ്ഞാൽ മഹാരാഷ്ട്രയിൽ മുനിസിപ്പൽ കോർപ്പറേഷൻ തിരഞ്ഞെടുപ്പിൽ അവർക്ക് SDPI സഖ്യകക്ഷി ആണെങ്കിൽ കേരളത്തിൽ മുസ്ലീം ലീഗും വെൽഫയർ പാർട്ടിയും പിന്നെ രഹസ്യമായി SDPI യും സഖ്യകക്ഷികളാണ്.”
“വരും തലമുറകൾക്കും ഈ നാട്ടിൽ സമാധാനത്തോടെ സ്വസ്ഥമായി ജീവിക്കണം. എന്ത് കൊണ്ട് ബിജെപി എന്ന ചോദ്യത്തിന് ഇതാണ് ഉത്തരം,” ബി ഗോപാലകൃഷ്ണൻ കുറിച്ചു.
സംഭവം കേരളത്തിലെ രാഷ്ട്രീയ-സാമുദായിക ബന്ധങ്ങളെക്കുറിച്ച് വിവാദപരമായ ചർച്ചകൾക്ക് തുടക്കമിട്ടിരിക്കുകയാണ്.
Content Highlights
BJP leader B Gopalakrishnan supports Vellappally Natesan
Responds to Youth Congress threat against SNDP leader
Says this is 2026 under Modi, not 1921 Variyamkunnan era
Calls UDF communal front supported by political Islam
Claims Kerala needs BJP for future generations’ safety
References various extremist organizations from Kerala
Criticizes Congress alliance with Muslim League and other parties
