മുംബൈ | 20 ഡിസംബർ, 2025
അടുത്ത വർഷം നടക്കാൻ പോകുന്ന ടി20 ലോകകപ്പിനായുള്ള ഇന്ത്യൻ സ്ക്വാഡിനെ പ്രഖ്യാപിച്ച് ബിസിസിഐ. സൂര്യകുമാർ യാദവ് നയിക്കുന്ന ടീമിൽ അക്സർ പട്ടേലാണ് വൈസ് ക്യാപ്റ്റൻ. ഹാർദിക് പാണ്ഡ്യയ്ക്ക് വൈസ് ക്യാപ്റ്റൻ പദവി നൽകാതിരുന്നതിന്റെ കാരണം വ്യക്തമാക്കി ചീഫ് സെലക്ടർ അജിത് അഗാർക്കർ രംഗത്തെത്തി.
അക്സർ തുടർച്ചയായി വൈസ് ക്യാപ്റ്റൻ
“ശുഭ്മാൻ ഗില്ലായിരുന്നു ഇന്ത്യയുടെ വൈസ് ക്യാപ്റ്റൻ. പക്ഷേ അദ്ദേഹം ഇപ്പോൾ ടീമിലില്ല. അപ്പോൾ മറ്റൊരാൾ വൈസ് ക്യാപ്റ്റൻസി ഏറ്റെടുക്കണം. ടെസ്റ്റ്, ഏകദിന മത്സരങ്ങളെ തുടർന്ന് ഗില്ല് ടി20 ടീമിന്റെ ഭാഗമല്ലാതിരുന്ന കാലത്തുപോലും അക്സറായിരുന്നു ഇന്ത്യയുടെ വൈസ് ക്യാപ്റ്റൻ” എന്ന് അജിത് അഗാർക്കർ വിശദീകരിച്ചു.
അക്സർ പട്ടേൽ തുടർച്ചയായി വൈസ് ക്യാപ്റ്റൻ ആയിരുന്നതിനാലും അദ്ദേഹത്തിന്റെ പ്രകടനവും കണക്കിലെടുത്താണ് തീരുമാനം എടുത്തതെന്നാണ് സൂചന.
സഞ്ജു പ്രധാന കീപ്പർ
മലയാളി താരം സഞ്ജു സാംസൺ ആദ്യ വിക്കറ്റ് കീപ്പറായി ഓപ്പണിംഗ് ബാറ്റ്സ്മാനായി ടീമിൽ ഇടം നേടി. ഇഷാൻ കിഷൻ രണ്ടാം വിക്കറ്റ് കീപ്പറായി സ്ക്വാഡിലെത്തി.
2026 ടി20 ലോകകപ്പ് ഇന്ത്യൻ ടീം
സൂര്യകുമാർ യാദവ് (ക്യാപ്റ്റൻ), അക്സർ പട്ടേൽ (വൈസ് ക്യാപ്റ്റൻ), അഭിഷേക് ശർമ, സഞ്ജു സാംസൺ, തിലക് വർമ, ഹാർദിക് പാണ്ഡ്യ, ശിവം ദുബെ, റിങ്കു സിംഗ്, വാഷിംഗ്ടൺ സുന്ദർ, ഹർഷിത് റാണ, ജസ്പ്രീത് ബുമ്ര, അർഷ്ദീപ് സിംഗ്, വരുൺ ചക്രവർത്തി, കുൽദീപ് യാദവ്, ഇഷാൻ കിഷൻ.
Highlights
Ajit Agarkar explains why Hardik Pandya not made vice-captain
Axar Patel continues as vice-captain under Suryakumar Yadav
Axar was vice-captain even when Gill was not in T20 team
Consistency in leadership cited as reason
Sanju Samson named as primary wicketkeeper-batsman
Ishan Kishan second keeper
15-member squad announced for T20 World Cup 2026
