കോതമംഗലം | 01, ജനുവരി | 2026
പിണ്ടിമന സെന്റ്.ജോൺസ് യാക്കോബായ സുറിയാനി പള്ളിയിലെ മോർ യൂഹാന്നോൻ മാംദോനയുടെ ഓർമ്മപ്പെരുന്നാൾ ഇന്ന് രാവിലെ 9 ന് കൊടികയറ്റത്തോടെ ആരംഭിച്ചു. ഇടവക വികാരി റെവ. ഫാ. ജോൺ കോമയിലാണ് കൊടി കയറ്റിയത്.
സഹവികാരി റെവ. ഫാ. സജി മാത്യു അറമ്പൻകുടിയിൽ, ട്രസ്റ്റിമാരായ ശ്രീ. ജോയി വർഗീസ് മരോട്ടിക്കാട്ട്, ശ്രീ. ജോളി സ്കറിയ തുടുമ്മേൽ, കമ്മിറ്റി അംഗങ്ങൾ എന്നിവർ സമീപത്തുണ്ടായിരുന്നു.
പെരുന്നാൾ പരിപാടികൾ:
ജനുവരി 1 മുതൽ 5 വരെ ദിവസങ്ങളിൽ വൈകിട്ട് സന്ധ്യാനമസ്കാരവും തുടർന്ന് സുവിശേഷയോഗവും ഉണ്ടായിരിക്കും.
ജനുവരി 6 ചൊവ്വാഴ്ച ദനഹാ ശുശ്രൂഷയും വി.കുർബ്ബാനയും നടക്കും.
പ്രധാന പെരുന്നാൾ ദിവസമായ ജനുവരി 7 ബുധനാഴ്ച രാവിലെ പ്രഭാതനമസ്കാരവും തുടർന്ന് വി.മൂന്നിന്മേൽ കുർബ്ബാനയും നടത്തപ്പെടും. ഇടവക മെത്രാപ്പോലീത്ത അഭി. എലിയാസ് മാർ യൂലിയോസ് തീരുമനസ്സിന്റെ മുഖ്യകാർമികത്വത്തിലാണ് കുർബ്ബാന നടത്തപ്പെടുക.
വിശ്വാസികൾ പെരുന്നാളിൽ പങ്കെടുത്ത് അനുഗ്രഹം പ്രാപിക്കണമെന്ന് ഇടവകവികാരി അഭ്യർത്ഥിച്ചു.
Content Highlights
Mor Yohannan Mamdona feast begins at Pindimana St. John’s Jacobite Syrian Church
Flag hoisting ceremony conducted by parish vicar Rev. Fr. John Komayil
Evening prayers and gospel meetings from January 1-5
Main feast day celebration on January 7 with Holy Qurbana
Metropolitan His Grace Elias Mar Yulios to lead main service
