NEWS DESK | Mangalam Online പെരുമ്പാവൂർ | 10, ഏപ്രിൽ | 2026
പെരുമ്പാവൂർ: ലോകത്തെ അത്ഭുതപ്പെടുത്തുന്ന ഇരട്ടകളുടെ ഒത്തുചേരലിന് പെരുമ്പാവൂർ സാക്ഷ്യം വഹിക്കുന്നു. സ്നേഹാലയ പെരുമ്പാവൂരിന്റെ നേതൃത്വത്തിൽ സംഘടിപ്പിക്കുന്ന ‘ഇരട്ട സംഗമവും സ്നേഹാദരവും’ ഏപ്രിൽ 11 ശനിയാഴ്ച പെരുമ്പാവൂർ എസ്.എൻ.ഡി.പി ഹാളിൽ (ഔഷധി ജംഗ്ഷൻ) നടക്കും. രാവിലെ 10 മണിക്ക് ആരംഭിക്കുന്ന പരിപാടികൾ വൈകുന്നേരം 4 മണി വരെ നീണ്ടുനിൽക്കും.
ഉച്ചയ്ക്ക് 1.30-ന് നടക്കുന്ന ഔദ്യോഗിക സമ്മേളനം എൽദോസ് പി. കുന്നപ്പിള്ളി എംഎൽഎ ഉദ്ഘാടനം ചെയ്യും. സ്നേഹാലയ ചെയർമാൻ ഡീക്കൻ ഡോ. ടോണി മേതല അധ്യക്ഷത വഹിക്കുന്ന ചടങ്ങിൽ ചലച്ചിത്ര-സീരിയൽ താരം ബിജോയ് വർഗീസ് വിശിഷ്ടാതിഥിയാകും. നഗരസഭാ ചെയർപേഴ്സൺ സംഗീത കെ.എസ് ചികിത്സാ സഹായ വിതരണം നിർവ്വഹിക്കും. വാർഡ് കൗൺസിലർ ഫയറുന്നിസ ഇരട്ടക്കുട്ടികളുടെ അമ്മമാരെ ആദരിക്കും.
രാവിലെ മുതൽ വിവിധ കലാപരിപാടികൾ അരങ്ങേറും. ബേബി ജോസഫ് പെരുമ്പാവൂർ അവതരിപ്പിക്കുന്ന മാജിക് & മെന്റലിസം ഷോ സംഗമത്തിന്റെ പ്രധാന ആകർഷണമായിരിക്കും. നൂറിലധികം ഇരട്ടക്കുട്ടികളും അവരുടെ കുടുംബാംഗങ്ങളും പങ്കെടുക്കുന്ന ഈ വേദിയിൽ ഇരട്ടകളെ ആദരിക്കൽ ചടങ്ങും നടക്കും. സ്നേഹത്തിന്റെയും ഒത്തുചേരലിന്റെയും സന്ദേശം പകരുന്ന ഈ പരിപാടിയിലേക്ക് മുഴുവൻ ആളുകളെയും സ്വാഗതം ചെയ്യുന്നതായി സംഘാടകർ അറിയിച്ചു. കൂടുതൽ വിവരങ്ങൾക്ക്: 9446209276.
Content Highlights
- Snehalaya Perumbavoor organizes ‘Iratta Sangamam’ (Twins Meet) on April 11 at SNDP Hall.
- Eldhose P. Kunnappillil MLA will inaugurate the official function at 1:30 PM.
- Events include cultural programs, honoring twins/mothers, and a Magic & Mentalism show by Baby Joseph.
- Medical aid distribution and presence of prominent social figures are key features of the event.
