കൊച്ചി | 19, ജനുവരി | 2026.
ശബരിമല സ്വർണ്ണക്കൊള്ള കേസിൽ നിർണ്ണായക വഴിത്തിരിവ്. ഒന്നാം പ്രതി ഉണ്ണികൃഷ്ണൻ പോറ്റി തിരികെ എത്തിച്ച സ്വർണ്ണപ്പാളികൾ യഥാർത്ഥമല്ലെന്നും ഇവ ‘ഡ്യൂപ്ലിക്കേറ്റ്’ ആണെന്നും സംശയം. വിക്രം സാരാഭായ് സ്പേസ് സെന്റർ (VSSC) നടത്തിയ ശാസ്ത്രീയ പരിശോധനയിലാണ് പാളികളുടെ ഘടനയിൽ വ്യത്യാസമുള്ളതായി സൂചന ലഭിച്ചത്. കേസിലെ അന്വേഷണ പുരോഗതി റിപ്പോർട്ട് പ്രത്യേക അന്വേഷണ സംഘം (SIT) ഇന്ന് ഹൈക്കോടതിക്ക് കൈമാറും.
റിപ്പോർട്ടിലെ പ്രധാന വിവരങ്ങൾ…
ഘടനയിലെ മാറ്റം: 1999-ൽ സ്ഥാപിച്ച യഥാർത്ഥ പാളികളും ഇപ്പോൾ പരിശോധിച്ച പാളികളും തമ്മിൽ ശാസ്ത്രീയമായ ഘടനയിൽ വലിയ വ്യത്യാസമുണ്ട്. യഥാർത്ഥ പാളികൾക്ക് പകരം വ്യാജ പാളികളാണോ പ്രതികൾ സ്ഥാപിച്ചത് എന്ന കാര്യത്തിൽ അന്വേഷണ സംഘം വ്യക്തത തേടുന്നു.
സ്വർണ്ണക്കുറവ്: സ്വർണ്ണപ്പാളികളിൽ നിന്ന് നേരത്തെ കരുതിയതിനേക്കാൾ കൂടുതൽ സ്വർണ്ണം നഷ്ടപ്പെട്ടതായും പരിശോധനയിൽ കണ്ടെത്തി.
കാലപ്പഴക്കം: നിലവിലെ റിപ്പോർട്ടിൽ പാളികളുടെ കൃത്യമായ കാലപ്പഴക്കം (Age of the plates) രേഖപ്പെടുത്തിയിട്ടില്ല. ഇത് ഉറപ്പിക്കാൻ വി.എസ്.എസ്.സി അധികൃതരുമായി എസ്.ഐ.ടി വീണ്ടും ചർച്ച നടത്തും.
നിർണ്ണായകമായ ഈ വിവരങ്ങൾ എ.ഡി.ജി.പി നേരിട്ട് ഇന്ന് ഹൈക്കോടതിയെ അറിയിക്കും. തന്ത്രി, ശങ്കരദാസ് എന്നിവരുടെ അറസ്റ്റിന് ശേഷമുള്ള തുടർ നടപടികളും റിപ്പോർട്ടിൽ വിശദീകരിക്കും.
വാജി വാഹന കൈമാറ്റം...
സ്വർണ്ണക്കൊള്ളയ്ക്ക് പുറമെ ശബരിമലയിലെ വാജി വാഹന കൈമാറ്റത്തിലും ഹൈക്കോടതിയുടെ നിർദ്ദേശം ഉണ്ടായേക്കും. അജയ് തറയിൽ അടക്കമുള്ളവർക്കെതിരായ അന്വേഷണ പുരോഗതിയും കോടതിയെ അറിയിക്കും. 2012-ലെ ദേവസ്വം ബോർഡ് ഉത്തരവിന് വിരുദ്ധമായാണ് വാഹനം കൈമാറിയതെന്നാണ് എസ്.ഐ.ടിയുടെ കണ്ടെത്തൽ. എന്നാൽ അഡ്വക്കേറ്റ് കമ്മീഷണറുടെയും ഹൈക്കോടതിയുടെയും അറിവോടെയാണ് കൈമാറ്റം നടന്നതെന്ന വാദവും ഇതിനിടെ ഉയർന്നിട്ടുണ്ട്.
Content Highlights
SIT suspects the gold plates returned by Unnikrishnan Potti are duplicates.
VSSC report points to a mismatch in the scientific composition of the current plates compared to those installed in 1999.
More gold has been reported missing than initially estimated after the scientific analysis.
ADGP to submit the investigation progress report to the Kerala High Court today.
High Court instructions expected regarding the controversial transfer of the ‘Vaji Vahanam.’
