ആലപ്പുഴ | 31, ഡിസംബർ | 2025
ആലപ്പുഴ മുഹമ്മ പൊലീസ് സ്റ്റേഷനിലെ സിവിൽ പൊലീസ് ഓഫീസർ സന്തോഷ് കുമാർ (44) സ്റ്റേഷനിൽ തൂങ്ങി മരിച്ച നിലയിൽ കണ്ടെത്തി. സ്റ്റേഷന്റെ മുകളിലെ റൂഫിൽ ആണ് തൂങ്ങി മരിച്ച നിലയിൽ കണ്ടെത്തിയത്. മൃതദേഹം വണ്ടാനം മെഡിക്കൽ കോളേജിലേക്ക് മാറ്റി.
സംഭവം ഇങ്ങനെ
ഡ്യൂട്ടിയിലായിരുന്ന സന്തോഷ് കുമാറിനെ കാണാതായതിനെ തുടർന്ന് നടത്തിയ തിരച്ചിലിലാണ് സ്റ്റേഷൻ കെട്ടിടത്തിന്റെ മുകളിലെ റൂഫിൽ തൂങ്ങി മരിച്ച നിലയിൽ കണ്ടെത്തിയത്. ഉടൻ തന്നെ പൊലീസ് ഉദ്യോഗസ്ഥർ സ്ഥലത്തെത്തി മൃതദേഹം ഇറക്കി.
അന്വേഷണം ആരംഭിച്ചു
എന്താണ് ആത്മഹത്യയ്ക്ക് കാരണമെന്ന് കണ്ടെത്താൻ പൊലീസ് അന്വേഷണം ആരംഭിച്ചു. വ്യക്തിപരമായ പ്രശ്നങ്ങളാണോ ആത്മഹത്യയ്ക്ക് പ്രേരിപ്പിച്ചതെന്ന് അന്വേഷിക്കുന്നുണ്ട്. മരണത്തിന്റെ കൃത്യമായ കാരണം പോസ്റ്റ്മോർട്ടം റിപ്പോർട്ടിന് ശേഷം വ്യക്തമാകും.
പൊലീസ് വകുപ്പിലെ മാനസിക സമ്മർദ്ദവും ജോലിഭാരവും സംബന്ധിച്ച ചർച്ചകൾ വീണ്ടും ശക്തമാകുന്ന സമയത്താണ് ഈ ദുരന്തം സംഭവിച്ചിരിക്കുന്നത്.
Content Highlights: Police officer Santhosh Kumar (44) found hanging at Muhamma police station Alappuzha, CPO found dead on station roof, body shifted to Vandanam Medical College, investigation ongoing into suicide cause
